సంజయ్ పురాణ్ సింగ్ చౌహాన్(Sanjay Puran Singh Chauhan) దర్శకత్వం వహించిన మూవీ '72 హూరైన్'. ఈ మూవీలో పవన్ మల్హోత్రా(Pawan Malhotra), అమీర్ బషీర్(Aamir Bashir) వంటి నటులు కీ రోల్ లో నటిస్తున్నారు. కాగా ఇప్పుడు ఈ మూవీ నుంచి ట్రైలర్ విడుదలకు.. బోర్డ్ ఆఫ్ ఫిల్మ్ సర్టిఫికేషన్ (CBFC) సెన్సార్ సర్టిఫికేట్ నిరాకరించినట్లు సమాచారం. తాజాగా ఈ మూవీ సహ నిర్మాత అశోక్ పండిట్(Ashoke Pandit) ఇంటర్వ్యూలో మాట్లాడుతూ.. 72 హూరైన్ ట్రైలర్ రిలీజ్ ఎందుకు ఆపేశారో వివరించాలని CBFCని కోరారు.
రీసెంట్ గా రిలీజ్ అయినా టీజర్ ఇప్పుడు నెట్టింట్లో వివాదానికి దారీ తీస్తుంది. దీనిపై నెటిజన్స్ రకరకాలుగా స్పందిస్తున్నారు. ఈ టీజర్ లో ఉగ్రవాదానికి గల కారణాలను ఎక్కువగా చూపించారంటూ విమర్శలు వస్తున్నాయి. ఈ మూవీను ప్రధానంగా హురైన్ 72 అనే అంశం చూట్టూ సాగే కథలా కనిపిస్తోంది. 'జీహాద్ కోసం ప్రాణాలు అర్పిస్తే తర్వాత స్వర్గంలో 72 మంది కన్యలు మీకు సేవ చేస్తారు అనేదే హురైన్ 72 ఉద్దేశం' అంటూ డైలాగ్ ను టీజర్ లో ప్రస్తావించారు.
'72 హూరైన్' గురుంచి:
దర్శకుడు చౌహాన్ '72 హూరైన్' మూవీ ప్రొమోషన్స్ లో భాగంగా మాట్లాడుతూ.. "ఉగ్రవాదం అనేది చాలా దారుణమైన చర్య. ఉగ్రవాదం ఎప్పుడు, ఎక్కడ పుడుతుందో ఉహించలేనిది. కొంత మంది మత విద్రోగులు సాధారణ ప్రజలను ఉగ్రవాదులుగా మారుస్తున్నారని వాళ్లని బాంబర్లుగా మారుస్తున్నారని. హురైన్ 72 అనేది ఉగ్రవాదులు సామాన్యులను ఉగ్రవాదులుగా మార్చే శిక్షణలో ఎక్కువగా ఉపయోగిస్తారని, వాళ్లు చనిపోయిన తర్వాత స్వర్గంలో 72 మంది కన్యలు వారికి సేవ చేస్తారని నమ్మించి.. వారిని ఉగ్రవాదంలోకి తోస్తారని చాలా మంది మన లాంటి కుటుంబాలు వాళ్లు చేసే బ్రెయిన్ వాష్ వల్ల బాంబర్లుగా మారిపోతున్నారని, అలాంటి మూలాలనే ఈ సినిమాలో చూస్తారని దర్శకుడు చౌహాన్ ప్రకటించారు.
