- కలెక్టర్ ఇలా త్రిపాఠి
చిట్యాల, వెలుగు : ప్రభుత్వం అందించే స్కాలర్షిప్ పేద విద్యార్థుల భవిష్యత్ కు భరోసా లాంటిదని కలెక్టర్ ఇలా త్రిపాఠి అన్నారు. శుక్రవారం కలెక్టరేట్లో ప్రీ మెట్రిక్ స్కాలర్షిప్పై అధికారులతో సమీక్ష నిర్వహించారు. ఈ సందర్భంగా కలెక్టర్మాట్లాడుతూ విద్యార్థులకు ప్రభుత్వం అందించే వివిధ రకాల స్కాలర్షిప్ పథకాల అమలు వేగవంతం చేయాలని అధికారులను ఆదేశించారు. ఉపకార వేతనాల వ్యవస్థను మరింత బలోపేతం చేయాలన్నారు. షెడ్యూల్డ్ కులాలు, షెడ్యూల్డ్తెగలు, సామాజిక-ంగా, ఆర్థికంగా వెనుకబడిన విద్యార్థులకు స్కాలర్ షిప్స్ ఎంతో అవసరమన్నారు.
తహసీల్దార్లు త్వరగా విద్యార్థులకు కులధ్రువీకరణ పత్రాలు ఇచ్చేలా చర్యలు తీసుకోవాలని చెప్పారు. ఇప్పటివరకు 50 శాతం టార్గెట్ పూర్తి చేసిన మండలాలు 100% దరఖాస్తులను సాధ్యమైనంత త్వరగా పూర్తి చేయాలన్నారు. స్కాలర్షిప్మంజూరులో జాప్యం తగదన్నారు. సమావేశంలో అడిషనల్ కలెక్టర్ జె.శ్రీనివాస్, డీఈవో భిక్షపతి, జిల్లా సాంఘిక సంక్షేమశాఖ అధికారి శశికళ, ఎంఈవోలు, సోషల్ వెల్ఫేర్, బీసీ వెల్ఫేర్, ట్రైబల్ వెల్ఫేర్ శాఖల అధికారులు, లీడ్ బ్యాంక్ మేనేజర్ శ్రామిక్ తదితరులు
పాల్గొన్నారు.
