మహారాష్ట్రలో రాజకీయం వేడెక్కుతున్న వేళ... ఉద్ధవ్ థాక్రేపై బీజేపీ నేత దేవేంద్ర ఫడ్నవీస్ భార్య అమృతా ఫడ్నవీస్ వ్యాఖ్యలు సంచలనంగా మారాయి. తాజాగా ఆమె చేసిన ఓ ట్వీట్ ప్రస్తుతం వైరల్ గా మారింది. కానీ ట్వీట్ చేసిన ఆ పోస్ట్ ను ఆమె కొంత సేపటికే తొలగించారు. అంతకీ ఆ పోస్ట్ లో ఏముంది.. ఎందుకు డిలీట్ చేశారన్న విషయానికొస్తే.. ఏక థా కపటీ రాజా అంటూ ఆమె ట్విట్టర్లో రాసుకొచ్చింది. దీని అర్థం ఒక చెడ్డ రాజు ఉన్నాడు. అయితే ఆమె చేసిన ఈ పోస్ట్ లో ముఖ్యంగా థా అనే అక్షరానికి కొటేషన్ గుర్తులు పలు సందేహాలకు దారి తీస్తున్నాయి. ఇక్కడ స్పెషల్ గా థా అనే లెటర్ ను హైలెట్ చేయడమనేది శివసేన ముఖ్యమంత్రి థాక్రేను సూచిస్తున్నట్టు వార్తలు వచ్చాయి. అయితే ఈ ట్వీట్ దేశ వ్యాప్తంగా వైరల్ గా మారడంతో.. వెంటనే ఆమె తన అకౌంట్ నుంచి ఆ పోస్ట్ ను తొలిగించినట్టు సమాచారం.
ఇదిలా ఉండగా..మహారాష్ట్ర పాలిటిక్స్ గంట గంటకు మలుపుతిరుగుతున్నాయి. ట్విస్టుల మీద ట్విస్టులతో మహా రాజకీయం రసవత్తరంగా మారింది. రెబల్ ఎమ్మెల్యేలతో ఏక్ నాథ్ షిండే మకాంను అస్సాంకు మార్చాడు. ఈ పరిణామాల నేపథ్యంలో మహారాష్ట్ర కాంగ్రెస్కు అబ్జర్వర్గా నియమితులైన కమలనాథ్..కాంగ్రెస్ ఎమ్మెల్యేలతో సమావేశం నిర్వహిస్తుండటం చర్చనీయాంశమైంది. శాసనసభ నేత బాలాసాహెబ్ థోరత్ నివాసంలోమొత్తం 43 మంది కాంగ్రెస్ ఎమ్మెల్యేలతో పాటు.. సీనియర్ లీడర్లతో ఆయన మీటయ్యారు. ఈ సమావేశం అనంతరం కమల్ నాథ్..సీఎం ఉద్దవ్ ఠాక్రేను కలవనున్నారు. ఈ సమయంలోనే మహారాష్ట్ర గవర్నర్ భగత్ సింగ్ కోశ్యారీకు కొవిడ్ బారిన పడ్డారు. కొవిడ్ చికిత్స కోసం ఆయన HN రిలయన్స్ ఫౌండేషన్ లో అడ్మిట్ అవడంపై.. తదుపరి పరిణామాలు ఎలా చోటు చేసుకుంటాయోనని అంతా ఆసక్తిగా చూస్తున్నారు.
