న్యూఢిల్లీ: ఇంట్లో పిలగాళ్లు ఆడుకుంటరని ఆన్లైన్లో రిమోట్ కారు ఆర్డర్ చేస్తే.. బిస్కెట్ పుడొచ్చింది. కవర్ ఎత్తుగా ఉండటం చూసి కారు ఎంత పెద్దగ ఉందో అనుకొని విప్పితే పార్లేజీ బిస్కెట్ పుడ ఎళ్లింది. ఈ ఆసక్తికర ఘటన సోమవారం ఢిల్లీలో జరిగింది. భగవాన్ నగర్ ఆశ్రమ్ ఏరియాకు చెందిన విక్రమ్ బురగోహైన్ ఇటీవల అమెజాన్ ఈ కామర్స్ వెబ్సైట్లో పిల్లలు ఆడుకునే రిమోట్ కార్ బుక్ చేశాడు. సోమవారం ఆర్డర్ అందుకున్న విక్రమ్ ఆ కవర్ విప్పి చూశాడు. కారు ఉండాల్సిన కవర్లో పార్లేజీ బిస్కెట్ ప్యాకెట్ ఉండటాన్ని చూసి ఆశ్చర్యపోయాడు. ఆర్డర్ వెంటనే రిప్లేస్ చేసిన అతను తనకు వచ్చిన బిస్కెట్ ప్యాకెట్ ఫొటో తీసి ఫేస్ బుక్లో షేర్ చేశాడు. ‘రిమోట్ కారు ఆర్డర్ చేస్తే.. బిస్కెట్ ప్యాకెట్ వచ్చింది. ఇగ చాయి పెట్టుకోవాలి’ అని ఫొటో కింద క్యాప్షన్ రాయగా.. నెటిజన్లు ఫన్నీ కామెంట్స్ చేశారు. మొన్నామధ్య ముంబైలో ఓ వ్యక్తికి ఇలాగే జరిగింది. మౌత్ ప్రెషనర్ ఆర్డర్ చేస్తే స్మార్ట్ ఫోన్ వచ్చింది.
