చాట్ చేయడానికి వాట్సాప్, ఇన్స్టాగ్రామ్, టెలిగ్రామ్, స్నాప్ చాట్ ఇలా ఎన్నో రకాల సోషల్ మీడియా యాప్స్ ఉన్నాయి. అయితే, ఈ యాప్స్ పనిచేయాలంటే ఇంటర్నెట్ తప్పనిసరి. కానీ, ఇంటర్నెట్ లేకుండా చాట్ చేసే యాప్ కూడా ఒకటి ఉంది. దానిపేరే బిట్ చాట్. ట్విట్టర్ కో– ఫౌండర్ జాక్ డోర్సే ఈ కొత్త మెసేజింగ్ యాప్ను రిలీజ్ చేశారు. ఈ మెసేజింగ్ యాప్ ద్వారా ఫ్రెండ్స్, కొలీగ్స్, ఫ్యామిలీ మెంబర్స్తో చాట్ చేయొచ్చు. దీనికి ఎలాంటి సర్వర్, నెట్వర్క్లతో పనిలేదు. పూర్తి ప్రైవసీ ఉంటుంది. బిట్చాట్ మెసేజింగ్ ప్లాట్ఫామ్ పూర్తిగా బ్లూటూత్లో ఎనర్జీ నెట్వర్క్పై పనిచేస్తుంది. కాబట్టి సెల్యులార్ నెట్వర్క్, వైఫై వంటివి అవసరం లేదు. నెట్ వర్క్ డౌన్ అయినప్పుడు, ఇంటర్నెట్ కనెక్షన్ లేనప్పుడు ఈ యాప్ చాలా బాగా ఉపయోగపడుతుంది.
ముఖ్యంగా ప్రకృతి వైపరీత్యాల కారణంగా ఇంటర్నెట్ సర్వర్లు పనిచేయని ప్రదేశాల్లో ఈ యాప్ ఉపయోగకరంగా ఉంటుందని ప్రూవ్ అయింది. దీనికి ఎలాంటి డాటాబేస్ అవసరం లేదు. యూజర్ పంపిన మెసేజ్లు రిసీవ్ చేసుకునే వాళ్ల ఫోన్లలో మాత్రమే స్టోర్ అవుతాయి. ఇది మామూలుగా 30 మీటర్ల దూరంలో బ్లూటూత్ క్లస్టర్ను క్రియేట్ చేస్తుంది. యూజర్ వేరొక చోటికి వెళ్తే అప్పుడు అది ఇతర హ్యాండ్ సెట్లతో కనెక్ట్ అయి క్లస్టర్ను ఏర్పరుస్తుంది. దీనివల్ల మెసేజ్ సెండ్ చేసిన వెంటనే బ్లూటూత్ ప్రైమరీ లిమిట్ దాటి ఈజీగా షేర్ చేస్తుంది. ప్రస్తుతం ఈ యాప్ ఐఫోన్ యూజర్లకు మాత్రమే అందుబాటులో ఉంది.
