ములుగు(గోవిందరావుపేట), వెలుగు: అన్ని శాఖల అధికారులు సమన్వయంతో ప్రణాళికా బద్ధంగా ముందుకు సాగినప్పుడే అభివృద్ధి సాధ్యమవుతుందని, ఈ విషయంలో అన్ని శాఖలతో పాటు పోలీసుల సహకారం అందడం గొప్ప విషయమని ములుగు కలెక్టర్ దివాకర అన్నారు. శుక్రవారం గోవిందరావుపేట మండలం చల్వాయి తెలంగాణ స్పెషల్ పోలీస్ 5వ బెటాలియన్ లో నూతన జిమ్, ఓపెన్ ఏరియా జిమ్ ను కమాండెంట్కె.సుబ్రహ్మణ్యంతో కలిసి కలెక్టర్ ప్రారంభించారు.
ఈ సందర్భంగా బెటాలియన్ లో కలెక్టర్ మొక్కలు నాటి, పరికరాలను పరిశీలించారు. కార్యక్రమంలో అడిషనల్ కమాండెంట్ బి.సీతారాం, అసిస్టెంట్ కమాండెంట్ అనిల్ కుమార్, వేణుగోపాల్ రెడ్డి, రిజర్వ్ ఇన్స్పెక్టర్లు, ఇతర బెటాలియన్ సిబ్బంది పాల్గొన్నారు.
