వ్యవసాయ రంగాన్ని ప్రోత్సహించడానికి భారత ప్రభుత్వం అనేక ప్రయోజనకరమైన, సంక్షేమ పథకాలను అమలు చేస్తోంది. ఈ పథకాలలో ప్రధాన్ మంత్రి కిసాన్ సమ్మాన్ నిధి యోజన ఒకటి. కోట్లాది మంది రైతులు పీఎం కిసాన్ యోజన ప్రయోజనం పొందుతున్నారు. అయితే పథకంయొక్క ప్రయోజనాలను పొందేందుకు రైతులు e-KYC, భూమి ధృవీకరణ పొందవలసి ఉంటుంది. ఒక రైతు ఈ-కేవీసీని పొందకపోతే అతనికి రావాల్సిన డబ్బులు మొత్తం నిలిచిపోతాయి. పథకం కోసం e-KYC చేసే ప్రక్రియ ఏమిటో ఇప్పుడు తెలుసుకుందాం.
ఈ పథకం కింద అర్హులైన రైతులకు ఏటా కేంద్ర ప్రభుత్వం రూ.6000 అందజేస్తుంది.. ఈ మొత్తం విడతల వారీగా రైతుల ఖాతాల్లోకి జమ చేస్తుంది. ప్రభుత్వం ఏడాదిలో మూడు విడతలుగా ఈ పథకాన్ని విడుదల చేస్తుంది. ప్రతి విడతలో రైతుల ఖాతాల్లోకి రూ.2వేలు వస్తాయి. ఇప్పటి వరకు 16వ విడత రైతుల ఖాతాల్లోకి చేరింది. ఇప్పుడు రైతులు 17వ విడత పీఎం కిసాన్ యోజన కోసం ఎదురుచూస్తున్నారు.
ఈ పథకానికి సంబంధించి ప్రభుత్వం అనేక నిబంధనలను కూడా రూపొందించింది. ఈ నిబంధనల ప్రకారం e-KYC చేసిన రైతులకు మాత్రమే పథకం ప్రయోజనం అందుబాటులో ఉంటుంది. ప్రభుత్వం ఈ-కేవైసీని తప్పనిసరి చేసింది. మోసాలను అరికట్టేందుకు ప్రభుత్వం ఈ నిర్ణయం తీసుకుంది. పాత లేదా కొత్త అనే తేడా లేకుండా పథకం లబ్ధిదారులందరూ ఈ పని చేయడం చాలా అవసరం.
ఈకేవైసీని అప్‌డేట్ చేయండిలా..
- రైతులు తమ సమీప CSC కేంద్రాన్ని సందర్శించాలి.
- అధికారిక PM కిసాన్ సమ్మాన్ నిధి యోజన వెబ్‌సైట్‌కి వెళ్లండి.
- మీ ఆధార్ నంబర్‌ను నమోదు చేయండి.
- తర్వాత "సెర్చ్" బటన్‌పై క్లిక్ చేయండి.
- ఆధార్‌కు లింక్ అయిన మొబైల్ నంబర్‌ను ఎంటర్ చేయండి
- “గెట్ మొబైల్ OTP” ఆప్షన్‌పై క్లిక్ చేయండి. మీ మొబైల్ నంబర్‌కు ధృవీకరణ కోడ్ వస్తుంది.
- పోర్టల్‌లో OTPని నమోదు చేసి, ఆపై “Submit for Auth” బటన్‌పై క్లిక్ చేయండి.
- అలా చేయగానే PM కిసాన్ KYC అప్‌డేట్ పూర్తవుతుంది.
PM కిసాన్ KYC స్థితిని తనిఖీ చేయండి.....కేవైసీ స్టేటస్ తనిఖీ చేయండిలా..
- PM కిసాన్ KYC స్టేటస్ పేజీని సందర్శించడానికి వెబ్‌సైట్‌లోకి వెళ్లి "క్లిక్ హియర్"అనే ఆప్షన్‌పై క్లిక్ చేయండి
- అందించిన ఫీల్డ్‌లో మీ ఆధార్ నంబర్‌ను నమోదు చేయండి.
- క్యాప్చా కోడ్‌ను ఎంటర్ చేయండి
- 'సర్చ్' బటన్‌పై క్లిక్ చేయండి
- సదరు పేజీ PM కిసాన్ KYC స్థితిని డిస్‌ప్లే చేస్తుంది. ఇది KYC విజయవంతంగా పూర్తయిందా లేదా తదుపరి చర్య అవసరమైతే సూచిస్తుంది.
లబ్ధిదారుడి స్థితిని తనిఖీ చేయండిలా..
- అధికారిక వెబ్‌సైట్‌ను సందర్శించండి
- పేజీకి కుడి వైపున ఉన్న 'నో యువర్ స్టేటస్' ట్యాబ్‌పై క్లిక్ చేయండి
- రిజిస్ట్రేషన్ నంబర్‌ను నమోదు చేసి, క్యాప్చా కోడ్‌ను ఎంటర్ చేయండి. 'డేటా పొందండి' ఆప్షన్ ఎంపిక చేయండి.
- తద్వారా లబ్ధిదారుడి స్థితి డిస్ ప్లే అవుతుంది.
లబ్ధిదారుల జాబితాలో మీ పేరును తనిఖీ చేయండిలా..
- PM కిసాన్ అధికారిక వెబ్‌సైట్ కోసం ఈ లింక్ క్లిక్ చేయండి.
- హోంపేజీలో "PM కిసాన్ లబ్ధిదారుల జాబితా" మెనుపై క్లిక్ చేయండి.
- ఆప్షన్ల నుంచి రాష్ట్రం, జిల్లా, ఉప జిల్లా, తహసీల్, గ్రామం, బ్లాక్‌ని ఎంచుకోండి.
- 'గెట్ రిపోర్ట్' ట్యాబ్‌పై క్లిక్ చేయండి
- 2024 PM కిసాన్ 17వ లబ్ధిదారుల జాబితా మీ స్క్రీన్‌పై ప్రదర్శితమవుతుంది.
కిసాన్ సమ్మాన్ నిధి కోసం దరఖాస్తు చేయండిలా..
వెబ్‌సైట్‌లోకి వెళ్లడానికి ఈ లింక్ క్లిక్ చేయండి
'న్యూ ఫార్మర్ రిజిస్ట్రేషన్'పై క్లిక్ చేసి, ఆధార్ నంబర్‌ను నమోదు చేసి క్యాప్చా ఎంటర్ చేయండి.
అవసరమైన వివరాలను నమోదు చేసి, 'అవును' ఆప్షన్‌పై క్లిక్ చేయండి.
PM-కిసాన్ దరఖాస్తు ఫారమ్ 2024లో అడిగిన సమాచారాన్ని పూరించండి. దానిని సేవ్ చేసుకొని భవిష్యత్తు అవసరాల కోసం ప్రింట్ తీసుకోండి.
వీళ్లకు పీఎం కిసాన్ రాదు
- మినహాయింపు వర్గానికి చెందిన రైతులు
- దరఖాస్తు ఫారమ్‌లో IFSC కోడ్ తప్పు
- పనిచేయని, క్లోజ్ అయిన బ్యాంకు ఖాతాలు
- బ్యాంకు ఖాతాకు ఆధార్ నెంబర్లింక్ లేకపోతే
- అసంపూర్తి దరఖాస్తు
- బ్యాంక్ వివరాలు, పోస్టాఫీసు వివరాలు సక్రమంగా నమోదు కాకపోతే
- ఆధార్ నంబర్ తప్పుగా నమోదు కావడం..
