హైదరాబాద్ సిటీ, వెలుగు: సికింద్రాబాద్ లాలాగూడ సెంట్రల్ రైల్వే హాస్పిటల్లో అధునాతన సౌకర్యాలను రైల్వే బోర్డు డైరెక్టర్ జనరల్ డాక్టర్ జగదీష్ చంద్ర శనివారం ప్రారంభించారు. 2డీ ఎకో మెషినరీ, ఆక్సిజన్ ప్లాంట్ మ్యానిఫోల్డ్ రూమ్, పునరుద్ధరించిన ఫిజియోథెరపీ సెంటర్, కార్పొరేట్ బిల్లింగ్ సెక్షన్ను ఆయన ఆవిష్కరించారు. వీటి ద్వారా రైల్వే ఉద్యోగులు, పదవీ విరమణ చేసినవారు, వారి కుటుంబ సభ్యులకు మెరుగైన వైద్య సేవలను అందిస్తాయన్నారు.
