రణ్‌‌‌‌‌‌‌‌‌‌‌‌‌‌‌‌బీర్ కపూర్ శ్రీరాముడిగా, సాయి పల్లవి సీతగా నటించిన చిత్రం ‘రామాయణం’. నితేష్ తివారీ దర్శకత్వం వహించిన ఈ చిత్రాన్ని ప్రైమ్ ఫోకస్ స్టూడియోస్ సమర్పణలో, డి‌‌‌‌‌‌‌‌‌‌‌‌‌‌‌‌నెగ్, మాన్‌‌‌‌‌‌‌‌‌‌‌‌‌‌‌‌స్టర్ మైండ్ క్రియేషన్స్ భాగస్వామ్యంతో నమిత్ మల్హోత్రా భారీ బడ్జెట్‌‌‌‌‌‌‌‌‌‌‌‌‌‌‌‌తో నిర్మిస్తున్నారు. రెండు భాగాలుగా రానున్న ఈ మూవీ ఫస్ట్ పార్ట్‌ దీపావళి సందర్భంగా నవంబర్ 5న పాన్‌ ఇండియా వైడ్‌‌‌‌‌‌‌‌‌‌‌‌‌‌‌‌గా రిలీజ్‌ కానుంది.
తెలుగు రాష్ట్రాల్లో దిల్ రాజు విడుదల చేస్తున్నారు. తాజాగా ఈ చిత్రం నుంచి ‘రంగులు రంగులే’ అంటూ సాగే పాట విడుదలైంది. శ్రీరాముడు, సీతమ్మ ప్రేమానుబంధాన్ని అద్భుతమైన విజువల్స్‌‌‌‌‌‌‌‌‌‌‌‌‌‌‌‌తో ఆవిష్కరించిన ఈ పాటకు ఏ.ఆర్. రెహమాన్ సంగీతం అందించారు. తెలుగు వెర్షన్‌‌‌‌‌‌‌‌‌‌‌‌‌‌‌‌లో రాఘవ్ కౌశిక్, వైశాలి సామంత్ పాడగా, రాకేందు మౌళి లిరిక్స్ అందించారు.
హిందీ, తెలుగు, తమిళ, కన్నడ, మలయాళ భాషల్లో ఈ పాటను విడుదల చేశారు. ‘నీతోడు ఉంటే రంగులు రంగులే’ అంటూ ప్రేమ, భక్తి భావాలతో సాగిన పాట ఆకట్టుకుంటోంది. యశ్ రావణుడిగా, సన్నీ డియోల్ హనుమంతుడిగా, రవి దూబే లక్ష్మణుడిగా, శూర్పణఖగా రకుల్ ప్రీత్ సింగ్ కనిపించనున్నారు.
