టెక్ ప్రపంచం మెరుపు వేగంతో ముందుకు సాగుతోంది. టెక్నాలజీకి తగ్గట్టుగా ప్రజలు కొత్త మార్గాలను అన్వేషిస్తున్నారు. కృత్రిమ మేధస్సు, సాంకేతిక అవగాహన సహాయంతో ఏదైనా సాధ్యమేనని చాలా మంది నిరూపిస్తున్నారు కూడా. ప్రపంచవ్యాప్తంగా ఉన్న కార్యాలయాలు ఇప్పుడు తమ ఉద్యోగులకు పని వాతావరణాన్ని మెరుగుపరిచేందుకు ఉత్తమ అడుగులు వేస్తున్నాయి. ఉదాహరణకు గ్రాఫిక్ డిజైన్ ప్లాట్‌ఫారమ్ కాన్వాను తీసుకోండి. మీ ఆఫీసులో స్నాక్ లేదా కాఫీ వెండింగ్ మెషీన్ ఉండవచ్చు. Canva మనీలా కార్యాలయంలో మాత్రం ల్యాప్‌టాప్ ఉపకరణాలను పాప్ అవుట్ చేసే వెండింగ్ మెషీన్ ఉంది. ఎంత బాగుంది కదా. ఈ వెండింగ్ మెషీన్ స్నాప్‌ను కంపెనీ టెక్నాలజీ ఎక్స్‌పీరియన్స్ లీడ్ బెన్ రైరీ లింక్డ్‌ఇన్‌లో షేర్ చేశారు. ఈ మెషీన్ ఉపయోగకరంగానే కాకుండా.. సౌందర్యంగా కూడా కనిపిస్తుంది.
ఈ వెండింగ్ మెషీన్ వెనుక కారణాన్ని, పని చేసే విధానాన్ని బెన్ తన పోస్టులో వివరించాడు. ఇది ఉద్యోగులకు అవసరమైన పరికరాలను పొందడంలో సహాయపడుతుందని ఆయన పంచుకున్నారు. సిబ్బందిని ఎల్లవేళలా ఆన్‌సైట్‌లో లేకుండా చేయడానికి ఇది గొప్ప మార్గం. అంతేకాకుండా ఇది పర్యావరణ అనుకూలమైన ప్రయత్నం కూడా. “ల్యాప్‌టాప్ ఉపకరణాల కోసం కాన్వా ఆఫీస్ వెండింగ్ మెషీన్.. మా మనీలా కార్యాలయం ప్రపంచవ్యాప్తంగా ఉన్న మా కస్టమర్‌లకు కోసం 24/7 పని చేస్తుంది. అందుకోసం సిబ్బందికి అవసరమైన పరికరాలను ఎప్పుడైనా, రాత్రి లేదా పగలు కూడా యాక్సెస్ చేయవచ్చు. ప్రతి ఒక్కరికీ ప్రత్యేకమైన కోడ్ ఉంటుంది. పర్యావరణానికి అనుకూలంగా ఉన్న ఈ మెషీన్.. అన్ని సమయాల్లో ఆన్‌సైట్ సిబ్బంది అవసరం లేకుండా గొప్ప సేవను అందిస్తోంది అని బెన్ రాసుకొచ్చారు.
ఈ క్రియేటివ్ థింకింగ్ కు ఇంటర్నెట్‌ యూజర్స్ ఫిదా అవుతున్నారు. వెండింగ్ మెషీన్లను ఉపయోగించే కొందరు తమ సొంత కంపెనీలను పంచుకున్నారు. దీని ద్వారా పని ఎంత సులభమవుతుందో కూడా సోషల్ మీడియా ద్వారా పంచుకుంటున్నారు. వీటిని ఆర్ట్ స్కూల్స్/కళాశాలల్లో పెట్టండి అంటూ మరికొందరు వెరైటీగా కామెంట్స్ చేస్తున్నారు.
