- వికారాబాద్ కలెక్టర్ ప్రతీక్ జైన్
వికారాబాద్, వెలుగు: జిల్లాలో జరుగనున్న గ్రామపంచాయతీ ఎన్నికలను పారదర్శకంగా స్వేచ్ఛాయుత వాతావరణంలో నిర్వహించేందుకు అధికారులు బాధ్యతతో పని చేయాలని కలెక్టర్ ప్రతీక్ జైన్ సూచించారు. బుధవారం కలెక్టరేట్నుంచి ఆయన నోడల్ అధికారులు, ఎంపీడీవోలు, తహసీల్దార్లతో వీడియో కాన్ఫరెన్స్ నిర్వహించారు. జిల్లాలో మొదటి విడతలో 8 మండలాల్లో 262 గ్రామ పంచాయతీలు, 2,198 వార్డులకు ఎన్నికలు జరుగనుండగా, 2,198 పోలింగ్ స్టేషన్లు ఏర్పాటు చేస్తున్నట్లు తెలిపారు.
ఎన్నికల వేళ ప్రజలకు ఏమైనా సందేహాలు ఉంటే 8416235291 హెల్ప్ లైన్ నంబర్కు ఫోన్ చేయాలన్నారు. మండలాలవారీగా క్లస్టర్లు, నామినేషన్ల ఏర్పాట్ల వివరాలు అడిగి తెలుసుకున్నారు. జిల్లా ఎస్పీ స్నేహ మెహ్ర మాట్లాడుతూ.. ఫ్లయింగ్ స్క్వాడ్, స్టాటిస్టిక్ సర్వేలెన్స్ టీంలు లోకల్ అధికారులతో సమన్వయం చేసుకుని పనిచేయాలని సూచించారు.
