సూపర్ హిట్ కొట్టిన రాజు వెడ్స్రాంబాయి సినిమాలో తరహాలో మేడ్చల్ జిల్లాలో ఓ ఘటన జరిగింది. పెళ్లికి నిరాకరించిన యువతికి HIV పాజిటివ్ రక్తాన్ని బలవంతంగా ఎక్కించాడు ఓ యువకుడు. సినిమాలో హిరోయిన్ తండ్రి ఆమెకు HIV పాజిటివ్ రక్తం ఎక్కించినట్లుగానే అదే తరహాలో యువకుడు చేయడం సంచలనంగా మారింది. వరాల్లోకి వెళ్లితే..
మేడ్చల్జిల్లా పోచారం ఐటీ కారిడార్ పోలీస్ స్టేషన్ పరిధి అన్నోజిగూడ లో దారుణం జరిగింది. అన్నోజిగూడకు చెందిన మనోహర్ కు అదే ప్రాంతానికి చెందిన యువతితో పెళ్లి నిశ్చయమైంది. ఎంగేజ్ మెంట్ కూడా అయిపోయింది. అయితే పెళ్లికొడుకు మనోహర్, అతని తల్లిదండ్రులకు HIV పాజిటివ్ అని తెలిసి పెళ్లి క్యాన్సిల్ చేసుకున్నారు. దీంతో మనోహర్యువతిపై కక్ష పెంచుకున్నాడు.
ఈక్రమంలో యువతి ఇంటికి వెళ్లిన మనోహార్ పెళ్లి చేసుకోవాలని మరోసారి ఒత్తిడి చేశాడు. ఆమె నిరాకరించడంతో తన వెంట తెచ్చుకున్న HIVపాజిటివ్ రక్తం ఇంజెక్షన్ఆమెకు బలవంతంగా ఎక్కించాడు. యువతికి జ్వరం రావడంతో తల్లిదండ్రులకు ఈ విషయాన్ని చెప్పడంతో దారుణం వెలుగులోకి వచ్చింది.
యువతి తల్లిదండ్రులు ఇచ్చిన ఫిర్యాదుతో పోచారం పోలీసులు కేసు నమోదు చేసుకొని దర్యాప్తు చేపట్టారు. నిందితుడిని అదుపులోకి తీసుకొని విచారిస్తున్నారు.
