- ఇబ్రహీంపట్నం మండలం పోచారంలో గ్రామస్తుల ధర్నా
- ఇండ్ల నుంచి కాలు బయట పెట్టలేకపోతున్నమని ఆవేదన
ఇబ్రహీంపట్నం, వెలుగు : రైస్ మిల్లులు, ఫ్లైవుడ్ కంపెనీల దుమ్ము, ధూళితో రోగాలొస్తున్నాయని వెంటనే తొలగించాలని రంగారెడ్డి జిల్లా ఇబ్రహీంపట్నం మండలం పోచారం మెయిన్రోడ్డుపై గ్రామస్తులు బైఠాయించారు. చుట్టుపక్కల ఉన్న ఆరు రైస్మిల్లులు, ఫ్లైవుడ్ కంపెనీలను బంద్ చేయించాలని డిమాండ్చేశారు. వాటి నుంచి వెలువడుతున్న కాలుష్యంతో ఊపిరితిత్తులు, కంటి సంబంధ వ్యాధులు వస్తున్నాయన్నారు.
ఇంట్లో నుంచి బయట అడుగు పెట్టలేకపోతున్నామన్నారు. అధికారులకు చెప్పినా స్పందించకపోవడంతో ధర్నాకు దిగాల్సి వచ్చిందన్నారు. ఇండ్లల్లో నల్లగా దుమ్ము పేరుకుపోతోందని, డోర్లు, కిటికీలు తెరిచేపరిస్థితి లేదన్నారు. కాగా, ఓ ఆందోళనకారుడు పెట్రోల్పోసుకోబోగా పోలీసులు బాటిల్‌ లాక్కున్నారు. ఇబ్రహీంపట్నం తహసీల్దార్సునీత ఆందోళనకారుల వద్దకు వచ్చి మాట్లాడారు. చర్యలు తీసుకుంటామని హామీ ఇవ్వడంతో ధర్నా విరమించారు. పోచారం సర్పంచ్ వెంకటేష్, వార్డు సభ్యులు, మాజీ ప్రజాప్రతినిధులు పాల్గొన్నారు.
