Prasidh Krishna Ruled Out: న్యూజిలాండ్‌తో నవంబర్ 4వ తేదీ నుంచి ప్రారంభం కానున్న ఐదు మ్యాచ్‌ల వన్డే సిరీస్ (5-Match ODI Series) ముంగిట టీమిండియాకు గట్టి ఎదురుదెబ్బ తగిలింది. తొడ కండరాల గాయం (Hamstring Injury) నుంచి ఇంకా పూర్తిస్థాయిలో కోలుకోకపోవడంతో ఫాస్ట్ బౌలర్ ప్రసిద్ధ్ కృష్ణ (Prasidh Krishna) ఈ వన్డే సిరీస్‌కు దూరమయ్యాడు. వెస్టిండీస్‌తో జరిగిన స్వదేశీ వన్డే సిరీస్ సమయంలో ప్రసిద్ధ్ గాయపడిన సంగతి తెలిసిందే. ఈ విషయాన్ని భారత క్రికెట్ నియంత్రణ మండలి (BCCI) వర్గాలు ఈరోజు (అక్టోబర్ 28) మీడియాకు వెల్లడించాయి.
బెంగళూరు ఎక్సలెన్స్ సెంటర్‌లో ఫిట్‌నెస్ టెస్ట్:
ప్రసిద్ధ్ కృష్ణ రికవరీ స్టేటస్‌పై బీసీసీఐ ప్రతినిధి స్పందిస్తూ.. ప్రసిద్ధ్ ప్రస్తుతం వేగంగా కోలుకుంటున్నాడు. నవంబర్ 1, 2 తేదీల్లో బెంగళూరులోని నేషనల్ సెంటర్ ఆఫ్ ఎక్సలెన్స్ (CoE) లో అతనికి మ్యాచ్ సిమ్యులేషన్స్, ఫిట్‌నెస్ టెస్ట్‌లు జరగనున్నాయి.. వన్డేల కంటే రాబోయే టెస్టు సిరీస్‌లో ప్రసిద్ధ్ సేవలు జట్టుకు చాలా అవసరం అని భావిస్తున్న సెలెక్టర్లు, టీమ్ మేనేజ్‌మెంట్.. అతడు పూర్తిస్థాయి ఫిట్‌నెస్ సాధించిన తర్వాతే మైదానంలోకి దించాలని నిర్ణయించారని వెల్లడించాడు.
జట్టులోకి ఆకిబ్ నబీ?:
ప్రసిద్ధ్ కృష్ణ గాయంతో జట్టుకు దూరం కావడంతో అతడి స్థానంలో జమ్మూ కాశ్మీర్‌కు చెందిన యంగ్ పేసర్ ఆకిబ్ నబీ (Auqib Nabi) ని భారత వన్డే జట్టులోకి తీసుకునే అవకాశాలు పుష్కలంగా ఉన్నాయి. లింకన్ వేదికగా న్యూజిలాండ్-ఎ జట్టుతో జరిగిన తొలి అనధికారిక రెడ్-బాల్ (India A vs NZ A) మ్యాచ్‌లో ఆకిబ్ నబీ తన అద్భుత స్పెల్స్‌తో సెలెక్టర్ల దృష్టిని ఆకట్టుకున్నాడు. దీంతో సీనియర్ జట్టు నుంచి పిలుపు అందుకునేందుకు ఆకిబ్ ముందు వరుసలో ఉన్నాడు.
🚨 UPDATE 🚨 Prasidh Krishna is scheduled to undergo match simulations at the CoE on November 1 and 2, putting his participation in the ODI series against New Zealand in serious doubt. Prasidh has been out since September 30 with a hamstring injury. He underwent a match simulation on October 22, and despite satisfactory clinical progress, he has reported some apprehension. #NZvIND
— Cricbuzz (@cricbuzz) October 28, 2026
