India vs New Zealand: భారత్ వర్సెస్ న్యూజిలాండ్ జట్ల మధ్య ఐదు టీ20ల సిరీస్‌లో భాగంగా అక్టోబర్ 30 ( శుక్రవారం) నాడు ఆక్లాండ్‌లోని చారిత్రాత్మక ఈడెన్ పార్క్ (Eden Park) వేదికగా జరగనున్న నాలుగో టీ20 (4th T20I) మ్యాచ్‌కు కనీవినీ ఎరుగని స్పందన లభిస్తోంది. ఈ మ్యాచ్ టికెట్లన్నీ పూర్తిగా అమ్ముడైపోవడంతో (Sell-out), మైదానంలో దాదాపు 40,000 మంది అభిమానులతో రికార్డు సృష్టించాడు. ఈడెన్ పార్క్ క్రికెట్ చరిత్రలోనే ఇది మూడవ అత్యధిక హాజరు (3rd Biggest Attendance) కావడం విశేషం.
ద్వైపాక్షిక సిరీస్ చరిత్రలోనే ఆల్-టైమ్ రికార్డు:
ఇప్పటికే తొలి మూడు టీ20ల్లో విజయం సాధించి సిరీస్‌ను 3–0తో చేజిక్కించుకున్న టీమిండియా, ఆక్లాండ్‌లోనూ అదే విధ్వంసాన్ని పునరావృతం చేయడానికి సిద్ధంగా ఉంది. అభిషేక్ శర్మ (38 బంతుల్లో 113), 15 ఏళ్ల వండర్ కిడ్ వైభవ్ సూర్యవంశీ (19 బంతుల్లో 45) తుఫాన్ ఇన్నింగ్స్‌ల ధాటికి కివీస్ అభిమానులు సైతం భారత్ ఆటను ప్రత్యక్షంగా చూసేందుకు మైదానానికి పోటెత్తుతున్నారు.
* చారిత్రాత్మక రికార్డు: ఈ మ్యాచ్ ద్వారా 2019లో భారత్‌తో జరిగిన మ్యాచ్‌లో నమోదైన 36,523 ప్రేక్షకుల ద్వైపాక్షిక సిరీస్ రికార్డు బద్దలైంది.
* టాప్-3 మ్యాచ్‌లు: ఈడెన్ పార్క్‌లో 2015 వరల్డ్ కప్ సెమీఫైనల్ (41,000 మంది), 1982లో ఆస్ట్రేలియాతో వన్డే (42,000 మంది) తర్వాత 40,000 మందితో జరుగుతున్న మూడవ అతి పెద్ద క్రికెట్ మ్యాచ్ ఇదే కావడం గమనార్హం.
* మొత్తం టికెట్ల సునామీ: ఈ సిరీస్ మొత్తానికి ఇప్పటి వరకు 1,26,000 కంటే ఎక్కువ టికెట్లు అమ్ముడవ్వగా, కేవలం టీ20 సిరీస్‌లోనే 71,000 టికెట్లు అమ్ముడయ్యాయి.
ALSO READ : ఆఫీస్ వర్క్ పక్కనబెట్టి SA vs AUS మ్యాచ్ చూస్తూ కెమెరాకు దొరికిన ఉద్యోగులు..
మ్యాచ్ కి భారీ స్పందన.. కివీస్ క్రికెట్ బోర్డు సంతోషం:
ఈడెన్ పార్క్ మ్యాచ్ హౌస్‌ఫుల్ కావడంపై న్యూజిలాండ్ క్రికెట్ చీఫ్ మార్కెటింగ్ ఆఫీసర్ గ్లెన్ క్రిచ్‌లీ స్పందిస్తూ.. ఈడెన్ పార్క్ హౌస్‌ఫుల్ కావడం చాలా ఆనందంగా ఉంది. ద్వైపాక్షిక సిరీస్ హాజరు రికార్డును బద్దలు కొట్టడం ఈ సిరీస్‌కు ఎంత ఆదరణ ఉందో తెలియజేస్తోంది. మేము మంచి క్రౌడ్‌ను ఆశించాం కానీ, ఈ స్థాయిలో టికెట్లు అమ్ముడవ్వడం మా అంచనాలను మించిపోయింది. శుక్రవారం (అక్టోబర్ 30) రాత్రి అభిమానులకు ఒక గొప్ప విందులా మారబోతోందని హర్షం వ్యక్తం చేశారు.
