కమలాపూర్, వెలుగు: అన్ని అర్హతలున్నా తమకు ఇందిరమ్మ ఇండ్లు రాలేదని అంబాలకు చెందిన కొందరు పేదలు ఆవేదన వ్యక్తం చేశారు. గురువారం గ్రామంలో నిర్వహించిన రెవెన్యూ సదస్సుకు అడిషనల్ కలెక్టర్ వెంకట్ రెడ్డి హాజరయ్యారు. పలువురు గ్రామస్తులు తమకు ఇండ్లు కేటాయించాలంటూ పురుగు మందు డబ్బాలతో ఆందోళన చేపట్టారు. తాము 30 ఏండ్లుగా కిరాయి ఇండ్లలో ఉంటున్నామని, తమకు కాదని అనర్హులకు ఇండ్లు కేటాయించారని ఆరోపించారు. వెంటనే న్యాయం చేయాలని కోరారు.
