నిజామాబాద్, వెలుగు : జిల్లా వ్యాప్తంగా సోమవారం రాత్రి గాలిదుమారం, వర్షానికి పలు చోట్ల చెట్లు, విద్యుత్ స్తంభాలు కూలాయి. ఆర్మూర్ రోడ్లో రోడ్డుకు అడ్డంగా భారీ చెట్టు కూలగా ట్రాఫిక్ ఇబ్బందిని తొలగించడానికి సీపీ సాయిచైతన్య స్వయంగా వెళ్లారు. జిల్లా వ్యాప్తంగా 123 కరెంట్ స్తంభాలు విరిగిపోగా, 3 చోట్ల ట్రాన్స్ఫార్మర్లు పడిపోయి కరెంట్ సరఫరా నిలిచిపోయింది.
బోర్గాం సబ్ స్టేషన్ పరిధిలోని మైసమ్మ గుడివద్ద రోడ్డుకు అడ్డంగా చెట్టుపడిపోయి కరెంట్ వైర్లు తెగాయి. దగ్గర్లోనే 33/11 లైన్ ఉండడంతో అటుగా వెళ్లడానికి జనం భయపడ్డారు. విషయం సబ్ స్టేషన్ ఏఈ, లైన్మెన్కు తెలపడానికి కాలనీవాసులు ఎన్నిసార్లు ఫోన్ చేసినా లిఫ్ట్ చేయలేదు.
