దక్షిణ కొరియా రాజధాని సియోల్ లో జరిగిన హాలో వీన్ వేడుకల్లో తొక్కిసలాట జరిగింది. దీంతో 151 మంది చనిపోయారు. ఈ ఘటనలో 100 మంది గాయపడ్డట్టు తెలుస్తోంది. గుండె పోటుతో ఎక్కువ మంది చనిపోయినట్టు సమాచారం. దాదాపు 400 మంది అత్యవసర సిబ్బంది, 140 అంబులెన్స్ లతో అధికారులు సహాయక చర్యలు చేపట్టారు . ఊపిరాడని పరిస్థితుల్లో రోడ్లపై పడి ఉన్న వారిని స్ట్రెచర్ల ద్వారా హాస్పిటల్ కు తరలించారు. కొందరు పౌరులు సీపీఆర్ చేశారు.
సియోల్ లోని ఫేమస్ మార్కెట్ లో హాలో వీన్ సంబరాలు ఏర్పాటు చేశారు. కరోనాతో రెండేళ్లుగా ఈ వేడుకలు నిర్వహించలేదు. ఈసారి లక్ష మందికి పైగా హాజరయినట్టు తెలుస్తోంది. ఒక సెలబ్రిటీ వచ్చారన్న సమాచారంతో అందరూ అకస్మాత్తుగా పరుగులు తీయడంతో తొక్కిసలాట జరిగినట్టు సమాచారం. ఈ ఘటనపై విచారణ జరుపుతున్నట్టు ఉత్తర కొరియా సర్కారు తెలిపింది.
సియోల్ తొక్కిసలాటలో చాలా మంది చనిపోవడం దిగ్భ్రాంతికి కలిగించిందని కేంద్ర విదేశాంగ శాఖ మంత్రి ఎస్.జై శంకర్ అన్నారు . చనిపోయిన వారి కుటుంబాలకు ట్విట్టర్ వేదికగా సానుభూతి ప్రకటించారు. ఈ కష్టసమయంలో దక్షిణ కొరియాకు అండగా ఉంటామని జైశంకర్ చెప్పారు.
