- ములుగు అడిషనల్ కలెక్టర్
ములుగు, వెలుగు : పదో తరగతి పరీక్షలను పకడ్బందీగా నిర్వహించాలని అడిషనల్ కలెక్టర్ మహేందర్ అధికారులకు సూచించారు. సోమవారం ములుగు కలెక్టరేట్ లో సమన్వయ సమావేశం నిర్వహించారు. ఈనెల 18 నుంచి నుంచి ఏప్రిల్ 2వరకు పదో తరగతి వార్షిక పరీక్షలు జరుగుతాయని, అందుకు విద్యార్థులకు ఎలాంటి ఇబ్బందులు కలుగకుండా ఏర్పాట్లు చేయాలని సూచించారు.
జిల్లాలో 21 పరీక్షా కేంద్రాలను ఏర్పాటు చేస్తున్నామని, 3,092మంది విద్యార్థులు పరీక్షలు రాయనున్నట్లు తెలిపారు. 200లమంది ఇన్విజిలేటర్లు, 21మంది చీఫ్ సూపర్ వైజర్లు, ఇద్దరు ఫ్లయింగ్ స్క్వాడ్ లను నియమించామని వెల్లడించారు.
సమీక్ష సమావేశంలో జిల్లా విద్యాధికారి జి. పాణిని, డీఎంహెచ్ఓ డాక్టర్ అప్పయ్య, కరెంట్ శాఖ డీఈ నాగేశ్వర్ రావు, డీపీవో స్వరూప రాణి, డీఎస్వో జయదేవ్, శంకర్ తదితరులు పాల్గొన్నారు.
