- వారంలో సమస్య పరిష్కారానికి చొరవ
- ఖమ్మం కలెక్టర్ ముజామ్మిల్ ఖాన్
ఖమ్మం టౌన్, వెలుగు: ఖమ్మంలో జర్నలిస్టుల ఇండ్ల స్థలాల కోసం 23 ఎకరాల స్థలాన్ని కేటాయించి, వారం రోజుల్లోగా సమస్యను పరిష్కరిస్తామని కలెక్టర్ ముజామ్మిల్ ఖాన్ తెలిపారు. నూతనంగా బాధ్యతలు స్వీకరించిన కలెక్టర్కు అభినందనలు తెలిపేందుకు టీయూ డబ్ల్యూయూజే(టీజేఎఫ్) బృందం సభ్యులు గురువారం కలెక్టరేట్కు వెళ్లారు. దీర్ఘకాలికంగా పెండింగ్లో ఉన్న ఇండ్ల స్థలాల విషయాన్ని యూనియన్ లీడర్లు కలెక్టర్ దృష్టికి తీసుకెళ్లగా, వీలైనంత త్వరగా సమస్యను పరిష్కరిస్తామని తెలిపారు.
జీవో 147 ప్రకారం ప్రభుత్వం 23 ఎకరాల భూమిని కేటాయించిందని పేర్కొన్నారు. అందులో 8 ఎకరాల భూమి అత్యధిక మార్కెట్ విలువ కలిగి ఉన్నందున ప్రత్యామ్నాయ భూమిని పరిశీలిస్తున్నట్లు చెప్పారు. ఆర్డీవో, తహసీల్దార్లు, సర్వేయర్లతో చర్చిస్తున్నట్లు తెలిపారు. కలెక్టర్ను కలిసిన వారిలో యూనియన్ అధ్యక్ష, ప్రధాన కార్యదర్శులు ఆకుతోట ఆదినారాయణ, చిర్రారవి, ఉపాధ్యక్షులు బొల్లం శ్రీనివాస్, ప్రశాంత్ రెడ్డి, పట్టణ ప్రధాన కార్యదర్శి అమరవరవు కోటేశ్వరరావు, ముత్యాల కోటేశ్వరరావు తదితరులు ఉన్నారు.
మధిర: చింతకాని ప్రాథమిక ఆరోగ్య కేంద్రాన్ని కలెక్టర్ గురువారం తనిఖీ చేశారు. ఆరోగ్య కేంద్రంలో అందుతున్న సేవలు, అందుబాటులో ఉన్న మందులు, సౌకర్యాలను అడిగి తెలుసుకున్నారు. చింతకానిలోని అంగన్వాడీ కేంద్రాన్ని పరిశీలించి, పిల్లలకు మెనూ ప్రకారం పౌష్టికాహారం అందించాలని ఆదేశించారు.
