ఆర్టికల్ 370 అంటే?
– భారత రాజ్యాంగంలోని 21వ భాగంలోని ఆర్టికల్ 370 ప్రకారం జమ్ము కాశ్మీర్కు ప్రత్యేక అధికారాలు, రాజ్యాంగం, జెండా అమలులో ఉండడం.
ఆర్టికల్ 35 ఏ అనగా?
– కాశ్మీర్‌‌లో శాశ్వత నివాసానికి సంబంధించిన నిబంధన.
ఏ ఆర్టికల్‌ను ఉపయోగించి కేంద్రప్రభుత్వం జమ్ము కాశ్మీర్‌‌కున్న స్వయంప్రతిపత్తిని రద్దు చేసింది?
– ఆర్టికల్ 370 క్లాజ్ (3)
ఆర్టికల్ 370 క్లాజ్ (3) ఏం చెబుతుంది?
– భారత రాష్ట్రపతి ఎప్పుడైనా, ఏ సమయంలోనైనా ఆర్టికల్ 370 అమలును నిలిపివేసే లేదా సవరించే అధికారం ఉంది.
జమ్ము కాశ్మీర్ స్వయం ప్రతిపత్తి రద్దు, పునర్‌‌వ్యవస్థీకరణ బిల్లు – 2019ను కేంద్ర హోంమంత్రి అమిత్ షా మొదట ఏ సభలో ప్రవేశపెట్టారు?
– రాజ్యసభ
కాశ్మీర్కు స్వయంప్రతిపత్తి కల్పించే 370 అధికరణ రద్దు చేసేందుకు ఉద్దేశించిన తీర్మానాన్ని కేంద్ర హోంమంత్రి అమిత్‌షా రాజ్యసభలో ఎప్పుడు ప్రవేశపెట్టారు?
– 2019 ఆగస్టు 5 (అదేరోజు రాజ్యసభ ఆమోదించింది)
జమ్ము కాశ్మీర్ రాష్ట్ర విభజన బిల్లు, ఆర్టికల్ 370 రద్దు బిల్లును లోక్‌సభ ఎప్పుడు ఆమోదించింది?
– 2019 ఆగస్టు 6
జమ్ము కాశ్మీర్ విభజన బిల్లును రాజ్యసభ ఎంత మెజారిటీతో ఆమోదించింది?
– 125 : 61
జమ్ము కాశ్మీర్ విభజన బిల్లును లోక్‌సభ ఎంత మెజారిటీతో ఆమోదించింది?
– 370 : 70
ఆర్టికల్ 370 రద్దు తీర్మానానికి లోక్‌సభలో లభించిన మెజారిటీ ఎంత?
– 351 : 72
పార్లమెంటు సిఫార్సు మేరకు, మొదటి క్లాజ్ మినహా ఆర్టికల్ 370లోని అన్ని నిబంధనల అమలును ఏ తేదీ నుంచి నిర్వీర్యం చేసినట్లు రాష్ట్రపతి ఉత్తర్వులు జారీ చేశారు?
– 2019 ఆగస్టు 5
ఏ పేరుతో ఆర్టికల్ 370 రద్దుకు సంబంధించిన ఉత్తర్వులను రాష్ట్రపతి జారీచేశారు?
– రాజ్యాంగ(జమ్ముకాశ్మీర్‌‌కు వర్తింపు) ఉత్తర్వులు – 2019
రాజ్యాంగ(జమ్ముకాశ్మీర్‌‌కు వర్తింపు) ఉత్తర్వులు – 2019 అమల్లోకి రాగానే ఏవి రద్దు కానున్నాయి?
– రాజ్యాంగ(జమ్ము కాశ్మీర్కు వర్తింపు) ఉత్తర్వులు – 1959
ఆర్టికల్ 370 క్లాజ్ (3)లో ‘రాష్ట్ర రాజ్యాంగ శాసనసభ’కు బదులుగా ఇప్పుడు ఏమని చదవాలి?
– రాష్ట్ర లెజిస్లేటివ్ అసెంబ్లీ
జమ్ము కాశ్మీర్ విభజన చట్టం ప్రకారం రాష్ట్రాన్ని ఎన్ని కేంద్రపాలిత ప్రాంతాలుగా విడగొట్టారు?
– అసెంబ్లీతో కూడిన జమ్ము – కాశ్మీర్, అసెంబ్లీ లేని లడఖ్
ప్రస్తుతం భారతదేశంలోని రాష్ట్రాలు, కేంద్రపాలిత ప్రాంతాల సంఖ్య?
– 28 రాష్ట్రాలు, 9 కేంద్రపాలిత ప్రాంతాలు
జమ్ము కాశ్మీర్ పునర్‌‌వ్యవస్థీకరణ బిల్లు ఆమోదం పొందక ముందు దేశంలోని రాష్ట్రాలు, కేంద్రపాలిత ప్రాంతాల సంఖ్య?
– 29 రాష్ట్రాలు, 7 కేంద్రపాలిత ప్రాంతాలు
దేశంలో అసెంబ్లీతో కూడిన కేంద్రపాలిత ప్రాంతాలు ఎన్ని? ఏవి?
– 3 (ఢిల్లీ, పుదుచ్చేరి, జమ్ము కాశ్మీర్)
విభజనబిల్లు ప్రకారం జమ్ము కాశ్మీర్
శాసనసభలో మంత్రిమండలి శాతం ఎంత ఉండాలి?
– 10 శాతానికి మించకూడదు
విభజన బిల్లు ప్రకారం లెఫ్టినెంట్ గవర్నర్ జమ్ము కాశ్మీర్ శాసనసభకు ఎంతమంది శాసనసభ్యులను నామినేట్ చేస్తారు?
– ఇద్దరు( సభలో మహిళలకు తగిన ప్రాతినిధ్యం లేదని భావిస్తే మహిళా సభ్యులను నామినేట్ చేయవచ్చు)
జమ్ము కాశ్మీర్‌‌లో నియోజకవర్గాల పునర్విభజన అనంతరం శాసనసభ్యుల సంఖ్య ఎంతకు చేరనుంది?
– 114
114 శాసనసభ స్థానాలలో ‘పాక్ ఆక్రమిత కాశ్మీర్’లో ఖాళీగా చూపించే స్థానాల సంఖ్య?
– 24 సీట్లు
జమ్ముకాశ్మీర్‌‌లో ఎన్ని లోక్‌సభ స్థానాలున్నాయి? – 5
లడఖ్‌లో ఎన్ని లోక్‌సభ స్థానాలున్నాయి?
– ఒకటి
ఉమ్మడి జమ్ము కాశ్మీర్ రాష్ట్రంలో ఎన్ని జిల్లాలున్నాయి?
– 22(జమ్ములో 10, కాశ్మీర్‌‌లో 10, లడఖ్‌లో 2జిల్లాలున్నాయి)
మతాలవారీగా జమ్ము కాశ్మీర్‌‌లో జనాభా?
– ముస్లింలు 68.31శాతం, హిందువులు – 28.43, సిక్కులు – 1.87శాతమున్నారు.
‘రూఫ్ ఆఫ్ ది వరల్డ్’ అని ఏ ప్రాంతాన్ని పిలుస్తారు?
– లడఖ్
జమ్ము కాశ్మీర్ అధికార భాష?
– ఉర్దూ
ప్రస్తుతం దేశంలోనే అతిపెద్ద కేంద్రపాలిత ప్రాంతమేది?
– జమ్ము కాశ్మీర్ (రెండో అతిపెద్ద యూటీ లడఖ్)
జమ్ము కాశ్మీర్ విస్తీర్ణమెంత?
– 42, 241 చదరపు కిలోమీటర్లు
లడఖ్ విస్తీర్ణమెంత?
– 59,146 చదరపు కిలోమీటర్లు (మొత్తం రాష్ట్ర విస్తీర్ణంలో 58.33శాతం)
లడఖ్‌లో మొత్తం ఎన్ని జిల్లాలున్నాయి?
– రెండు (లేహ్, కార్గిల్)
లడఖ్‌లో జనాభా ఎంత?
– 2,74,289(మొత్తం రాష్ట్ర జనాభాలో 2.18శాతం)
జమ్ము కాశ్మీర్‌‌లో ఏ సంవత్సరం వరకు లోక్‌సభ నియోజకవర్గాల పెంపు చేయరాదన్న నిబంధన అమలులో ఉంది?
– 2026
ఆర్టికల్ 370 రద్దు చేస్తే తలెత్తే న్యాయపరమైన సవాళ్లను ఎదుర్కోవడానికి ఏర్పాటు చేసిన కోర్ కమిటీ ఛైర్మన్, సభ్యులెవరు?
– ఛైర్మన్ రవిశంకర్ ప్రసాద్(న్యాయశాఖమంత్రి), న్యాయశాఖ కార్యదర్శి అలోక్ శ్రీవాత్సవ్, హోంశాఖ అదనపు కార్యదర్శి ఆర్‌‌ఎస్ వర్మ, అటార్నీ జనరల్ కెకె వేణుగోపాల్, హోంశాఖ కార్యదర్శి రాజీవ్ గౌబా సభ్యులుగా ఉన్నారు.
ఆర్టికల్ 370 రద్దయ్యేవరకు చాప మీదనే నిద్రపోతానని ఏ రాష్ట్రానికి చెందిన మంత్రి శపథం చేశారు?
– రాజస్థాన్‌కు చెందిన మదన్ దిలావర్ (ఈయన 5సార్లు ఎమ్మెల్యేగా, 2సార్లు మంత్రిగా పనిచేశారు)
జమ్ము కాశ్మీర్కు ప్రత్యేక ప్రతిపత్తిని కల్పించే ఆర్టికల్ 370ని రద్దు చేయడాన్ని సవాలు చేస్తూ సుప్రీంకోర్టులో పిటిషన్ దాఖలు చేసిందెవరు?
– ఎంఎల్ శర్మ
ఆర్టికల్ 370 రద్దు చేస్తున్న సమయంలో జమ్ము కాశ్మీర్ రాష్ట్ర డీజీపీ ఎవరు?
– దిల్‌బాగ్ సింగ్
జమ్ము కాశ్మీర్ స్వయం ప్రతిపత్తి రద్దు సమయంలో ఆ రాష్ట్ర ప్రభుత్వ ప్రధాన కార్యదర్శిగా ఎవరు ఉన్నారు?
– బీవీఆర్ సుబ్రమణ్యం (1987 బ్యాచ్ ఐఏఎస్ అధికారి)
ఆర్టికల్ 370 రద్దు సమయంలో జమ్ము కాశ్మీర్ రాష్ట్ర గవర్నర్ ఎవరు?
సత్యపాల్ మాలిక్
కేంద్రపాలిత ప్రాంతం అంటే?
– అధికారం కేంద్ర ప్రభుత్వ ఆధీనంలో ఉంటే దానిని కేంద్రపాలిత ప్రాంతంగా పరిగణిస్తారు. దీంట్లో అసెంబ్లీ ఉండదు. లెఫ్టినెంట్ గవర్నర్ సాయంతో పాలన సాగుతుంది.
అసెంబ్లీతో కూడిన కేంద్రపాలిత ప్రాంతమనగా?
– సీఎం, మంత్రివర్గంతో పాటు లెఫ్టినెంట్ గవర్నర్ ఉన్న వాటిని అసెంబ్లీతో కూడిన యూటీగా పేర్కొంటారు.
అసెంబ్లీతో కూడిన కేంద్రపాలిత ప్రాంతాల్లో రాష్ట్రపతికి ప్రతినిధిగా ఎవరు ఉంటారు?
– లెఫ్టినెంట్ గవర్నర్
ఆర్టికల్ 370 రద్దుకు సహకరించిన పార్టీలేవి?
– బీఎస్పీ, బీజేడీ, అన్నాడీఎంకే, టీడీపీ, టీఆర్‌‌ఎస్, వైసీపీ, ఆప్, శివసేన, శిరోమణి అకాలీదళ్
ఆర్టికల్ 370 రద్దును వ్యతిరేకించిన పార్టీలు?
– కాంగ్రెస్, తృణమూల్ కాంగ్రెస్, డీఎంకే, ఎన్‌సీపీ, ఆర్‌‌జేడీ, సీపీఐ, సీపీఎం, జేడీ యూ, ఎస్‌పీ, పీడీపీ, నేషనల్ కాన్ఫరెన్స్
కాశ్మీర్ గురించి ప్రస్తావించిన గ్రంథం?
– కల్హణుడు రాసిన రాజతరంగిణి
కశ్మీరియత్ అనగా?
– ముస్లిం మతంలోని సూఫీతత్వంతో ప్రభావితమైన జీవన విధానం
ఏ ఒప్పందం ప్రకారం జమ్ము కాశ్మీర్ స్వతంత్ర రాజ్యంగా ఆవిర్భవించింది?
– అమృత్‌సర్ ఒప్పందం
అమృత్‌సర్ ఒప్పందం ఎవరెవరికి మధ్య కుదిరింది?
– జమ్ము పాలకుడు రాజా గులాబ్ సింగ్‌కు, బ్రిటీష్ ఈస్టిండియా కంపెనీకి మధ్య
జమ్ము మహారాజైన గులాబ్‌సింగ్ ఏ వంశానికి చెందినవారు?
– డోగ్రా వంశం
గులాబ్ సింగ్ అనంతరం జమ్ము కాశ్మీర్ రాజ్యాధికారాన్ని చేపట్టింది ఎవరు?
– రణబీర్‌‌సింగ్
రాజా హరిసింగ్ ఏ సంవత్సరంలో కాశ్మీర్ పాలన చేపట్టారు?
– 1925
1946 మే నెలలో రాజా హరిసింగ్‌కు వ్యతిరేకంగా ‘క్విట్ కాశ్మీర్’ ఉద్యమాన్ని ప్రారంభించింది ఎవరు?
– షేక్ అబ్దుల్లా
ఇండియా–పాకిస్థాన్‌లుగా విభజించాలని మౌంట్ బాటన్ ఎప్పుడు ప్రతిపాదించారు?
– 1947 జూన్ 3
స్వాతంత్ర్యానికి పూర్వం దేశంలోని మొత్తం స్వదేశీ సంస్థానాల సంఖ్య?
– 562
స్వాతంత్ర్యం అనంతరం ఇండియాలో విలీనానికి ఒప్పుకోని సంస్థానాలేవి?
– జమ్ము కాశ్మీర్, హైదరాబాద్, జునాగఢ్
జమ్ము కాశ్మీర్ ప్రాంతంలో తొలి రాజకీయ పార్టీని ఎవరు స్థాపించారు?
– షేక్ అబ్దుల్లా
‘కాశ్మీర్ ముస్లిం కాన్ఫరెన్స్’ను షేక్ అబ్దుల్లా ఏ సంవత్సరంలో ప్రారంభించారు?
– 1932
‘కాశ్మీర్ ముస్లిం కాన్ఫరెన్స్’ను ‘నేషనల్ కాన్ఫరెన్స్’గా ఎప్పుడు మార్చారు?
– 1939
షేర్ – ఏ – కాశ్మీర్‌‌గా ఎవరిని పిలుస్తారు?
– షేక్ అబ్దుల్లా
పాకిస్థాన్ ఏ సంవత్సరంలో జమ్ము కాశ్మీర్‌‌పై దండయాత్ర చేసింది?
– 1947 అక్టోబర్ 20
కాశ్మీర్ రాజు ఏ సంవత్సరంలో పాకిస్థాన్‌తో యథాతథ స్థితి ఒప్పందం(స్టాండ్ స్టిల్ అగ్రిమెంట్) కుదుర్చుకున్నారు?
– 1947
కాశ్మీర్‌‌పై దాడి అనంతరం ఏయే ప్రాంతాలు పాకిస్థాన్ ఆధీనంలో ఉండిపోయాయి?
– గిల్గిట్ – బాల్టిస్థాన్‌ ప్రాంతాలు(పాక్ ఆక్రమిత కాశ్మీర్‌‌లో ఉన్నాయి)
భారత్ – పాక్ మధ్య లైన్ ఆఫ్ కంట్రోల్(ఎల్‌వోసీ)ను ఎప్పుడు నిర్ణయించారు?
– 1949 జనవరి 1(అదే రోజు కాల్పుల విరమణ ఒప్పందం కుదిరింది)
కాశ్మీర్ సమస్యను ఐక్యరాజ్యసమితి భద్రతామండలి దృష్టికి ఇండియా ఏ సంవత్సరంలో తీసుకెళ్లింది?
– 1948
1947 ఆగస్టు 15 నాటికి జమ్ము కాశ్మీర్ ఒక ప్రత్యేక దేశంగా ఉంది. అప్పుడు కాశ్మీర్‌‌ను ఏ పేరుతో పిలుస్తున్నారు?
– ముల్క్ – ఎ – కాశ్మీర్
370 రద్దుతో మార్పులు
| అప్పుడు | ఇప్పుడు |
| ద్వంద్వ పౌరసత్వం ఉండేది | ఏక పౌరసత్వం ఉంటుంది |
| ఇతర రాష్ట్రాలవారు ఆస్తులు, భూములు
కొనకూడదు. |
భారతీయ పౌరులెవరైనా
కాశ్మీర్‌‌లో ఆస్తులు కొనుక్కోవచ్చు |
| అసెంబ్లీ కాలపరిమితి 6ఏళ్లు | అసెంబ్లీ కాలపరిమితి ఐదేండ్లు |
| ప్రత్యేక జెండా ఉండేది | ప్రత్యేక జెండా ఉండదు. |
| మైనారిటీలకు రిజర్వేషన్లు లేవు | మైనారిటీలకు 16శాతం రిజర్వేషన్లు వర్తిస్తాయి. |
| పంచాయతీలకు హక్కులు, ఉచిత నిర్భంధ విద్య నిబంధన వర్తించవు | పంచాయతీలకు హక్కులతోపాటు, ఉచిత నిర్భంద విద్య నిబంధన అమలవుతుంది. |
| ఆర్థిక ఎమర్జెన్సీని విధించే ఆర్టికల్ 360, సమాచార హక్కు చట్టం వర్తించవు | ఆర్టికల్ 360, సమాచార హక్కు చట్టం వర్తిస్తాయి. |
