బరేలీ: ఉత్తరప్రదేశ్కు చెందిన బీజేపీ మాజీ ఎమ్మెల్యే రాజేశ్మిశ్రా 55 ఏండ్ల వయసులో 12వ తరగతి పాస్అయ్యాడు. యూపీ సెకండరీ ఎడ్యుకేషన్ కౌన్సిల్ నిర్వహించిన బోర్డ్ఎగ్జామ్లో ఆయన 500 మార్కులకు 263 సాధించాడు. హిందీలో 57, సివిక్స్లో 47, ఎడ్యుకేషన్లో 42, డ్రాయింగ్ డిజైన్లో 36, సోషియాలజీలో 81 మార్కులు వచ్చా యి. మిశ్రా.. 2017 నుంచి 2022 వరకు బరేలీ జిల్లాలోని బిత్రీ-చైన్పూర్ స్థానం నుంచి అసెంబ్లీకి ప్రాతినిధ్యం వహించారు.
"రెండేండ్ల క్రితం నేను 10వ తరగతి పరీక్షలో ఉత్తీర్ణత సాధించాను. ఇప్పుడు 12వ తరగతి పరీక్షలో కూడా పాస్ అయ్యాను. ఇక ఎల్ఎల్బీని అభ్యసించాలనుకుంటున్నాను. తద్వారా పేద ప్రజలకు న్యాయం జరిగేలా చూడాలనుకుంటున్నాను" అని మిశ్రా చెప్పారు. మంచి లాయర్ల సేవలు పొందలేక ఆర్థికంగా వెనుకబడిన ప్రజలకు న్యాయం జరగడం లేదని, అలాంటి వారికి అడ్వొకేట్గా ఉంటానని ఎమ్మెల్యేగా ఉన్నప్పుడే నిర్ణయించుకున్నానని ఆయన తెలిపారు.
