తెలంగాణలో 65.67 శాతం పోలింగ్

హైదరాబాద్: తెలంగాణలో లోక్ సభ పోలింగ్ శాతాన్ని అధికారికంగా ప్రకటించింది ఈసీ. రాష్ట్రంలో 65.67 శాతం ఓటింగ్ నమోదైనట్లు సీఈవో వికాస్ రాజ్ చెప్పారు. మే 14వ తేదీ మంగళవారం సాయంత్రం వికాస్ రాజ్ ఎన్నికల పోలింగ్ వివరాలను వెల్లడించారు. అత్యధికంగా భువనగిరిలో 76.78 శాతం పోలింగ్ రికార్డు అయ్యిందని తెలిపారు. అత్యల్పంగా హైదరాబాద్ లో 48.48 శాతం నమోదైనట్లు చెప్పారు. నర్సాపూర్ అసెంబ్లీ సెగ్మెంట్ లో అత్యధికంగా 84.25 శాతం... మలక్ పేట అసెంబ్లీ సెగ్మెంట్ లో అతితక్కువగా 42.76 శాతం పోలింగ్ నమోదు అయ్యిందని తెలిపారు. గతేడాది కంటే ఈసారి మూడు శాతం ఓటింగ్ పెరిగిందని చెప్పారు.