ఆన్‌‌‌‌లైన్ షాపింగ్ పోర్టల్స్‌‌‌‌లో గాడ్జెట్లు, బట్టలు, ఫర్నిచర్.. ఇలా ఎన్నో వస్తువులు కనిపిస్తాయి. కానీ 2006లో ఒక వ్యక్తి ఏకంగా ఒక దేశాన్నే అమ్మకానికి పెట్టిండు. అమెజాన్, ఫ్లిప్‌‌‌‌కార్ట్ లాగానే ‘ఈబే’ అనేది కూడా ఇ–-కామర్స్ పోర్టల్. ఇందులో వస్తువులు కొనొచ్చు, అమ్మొచ్చు. అయితే, 2006లో ఆస్ట్రేలియాలోని బ్రిస్బేన్‌‌‌‌కు చెందిన ఒక వ్యక్తి ఈబేలో న్యూజిలాండ్ని అమ్మకానికి పెట్టాడు. ఆ దేశం సాధించిన మెడల్స్, ట్రోఫీల వివరాలతో పాటు ‘ఇక్కడ వాతావరణం ఎంతో అనుకూలంగా ఉంటుంది’ అని రాసి పోస్ట్ చేశాడు.
ఆ దేశానికి అతను పెట్టిన ధర ఒక సెంట్. అంటే డాలరులో వందోవంతు. ఈ పోస్ట్‌‌‌‌కు కొద్దిరోజుల్లోనే 6,000 వ్యూస్ వచ్చాయి. కొనేందుకు 22 మంది బిడ్ కూడా వేశారు. దాంతో ధర ఒక సెంట్ నుంచి మూడు వేల డాలర్లకు పెరిగింది. ఈ న్యూస్ వైరల్ అయింది. విషయం తెలుసుకున్న ఈబే సంస్థ మీడియా ముందుకొచ్చి ‘న్యూజిలాండ్ ఈజ్ నాట్ ఫర్ సేల్’ అని చెప్పడంతో కథ ముగిసింది.
