మెహిదీపట్నం, వెలుగు : నడుచుకుంటూ వెళ్తున్న ఓ వ్యక్తిపై మూడో అంతస్తు నుంచి సెంట్రింగ్ డబ్బా పడటంతో అతడు చనిపోయిన ఘటన గుడిమల్కాపూర్ పీఎస్ పరిధిలో జరిగింది. పోలీసులు తెలిపిన వివరాల ప్రకారం.. కార్వాన్లోని శంకర్నగర్ ప్రాంతానికి చెందిన రాజు(56) శుక్రవారం మధ్యాహ్నం కార్వాన్ నుంచి లంగర్హౌస్ వైపు నడుచుకుంటూ వెళ్తున్నాడు.
వింటేజ్ ఫంక్షన్ హాల్ దగ్గరికి రాగానే.. నిర్మాణంలో ఉన్న ఓ బిల్డింగ్ మూడో అంతస్తు పైనుంచి సెంట్రింగ్ డబ్బా రాజుపై పడింది. తీవ్రంగా గాయపడ్డ అతడిని స్థానికులు ఉస్మానియాకు తీసుకెళ్లారు. అప్పటికే రాజు చనిపోయినట్లు డాక్టర్లు నిర్ధారించారు. రాజు కుటుంబసభ్యులు ఇచ్చిన కంప్లయింట్ మేరకు బిల్డింగ్ ఓనర్పై కేసు ఫైల్ చేసినట్లు పోలీసులు తెలిపారు.
