గత రెండు రోజులుగా సోషల్ మీడియాలో ఎక్కడ చూసినా రంగబలి(Rangabali) సినిమా ప్రమోషన్స్ కోసం కమెడియన్ సత్య(Comedian Sathya) చేసిన స్పూఫ్ ఇంటర్వ్యూ ప్రోమోనే కనిపించింది. ఈ ప్రోమో రిలీజ్ అయినప్పటి నుండి.. ఫుల్ ఇంటర్వ్యూ ఎప్పుడెప్పుడు వస్తుందా అని ఎదురుచూశారు ప్రేక్షకులు. ఇక తాజాగా దీనికి సంబంధించిన ఫుల్ ఇంటర్వ్యూ రిలీజ్ చేశారు మేకర్స్.
తెలుగులో ఉన్న ప్రముఖ ఇంటర్వ్యూవర్స్ ను ఇమిటేట్ చేస్తూ కెమెడియన్ సత్య చేసిన ఈ స్పూఫ్ ఇంటర్వ్యూ ఆడియన్స్ ను తెగ ఆకట్టుకుంటోంది. ఈ వీడియోలో ఓపెన్ హార్ట్ విత్ సత్య, ఇంటర్వ్యూ విత్ దేవీప్రియా అంటూ ఇద్దరు యాంకర్లను ఇమిటేట్ చేశారు సత్య, ఈ ఇద్దరు యాంకర్లను యాజిటీజ్ దింపేశాడు కమెడియన్ సత్య. అయితే ప్రోమోలో మాత్రం మరో ఇద్దరు యాంకర్లను కూడా ఇమిటేట్ చేసినట్టు చూపించారు. పార్ట్ 2గా రానున్న ఆ విడియోను రేపు రిలీజ్ చేయనున్నారు మేకర్స్.
ఇక రంగబలి సినిమా విషయానికి వస్తే.. నాగ శౌర్య(Naga shourya) హీరోగా చేసిన ఈ సినిమా జులై 7న ప్రేక్షకుల ముందుకు రానుంది. కొత్త డైరెక్టర్ పవన్ బసంశెట్టి(Pawan Basamsetty) తెరకెక్కిస్తున్న ఈ సినిమాలో.. యుక్తి తరేజా(Yukti thareja) హీరోయిన్ గా నటిస్తోంది. గత కొంత కాలంగా సరైన హిట్ లేక సతమతమవుతున్న నాగ శౌర్య ఈ సినిమాపై చాలా ఆశలే పెట్టుకున్నారు. మరి రంగబలి సినిమా నాగ శౌర్యకు హిట్ ఇస్తుందా అనేది తెలియాలంటే.. జైలు 7వ తేదీ వరకు ఆగాల్సిందే.
