కరీంనగర్: కరీంనగర్ జిల్లా గంగాధర మండలం మధురానగర్లో ఇందిరమ్మ బిల్లు శాంక్షన్ కోసం పంచాయతీ సెక్రటరీ అనిల్ 10 వేలు డిమాండ్ చేశాడు. మధురానగర్లో ఉండే శ్రీకాంత్ నుంచి 10 వేల రూపాయలు పంచాయతీ సెక్రటరీ తీసుకుంటుండగా ఏసీబీ అధికారులు రెడ్ హ్యాండెడ్గా పట్టుకున్నారు.
తెలంగాణలో అవినీతి నిరోధక శాఖ దూకుడుగా ముందుకెళుతోంది. నల్గొండ జిల్లాలో కూడా ఏసీబీ రైడ్స్లో ఏకంగా తహసీల్దార్ దొరికిపోయాడు. భూమిని మ్యుటేషన్‌ చేసేందుకు రూ. 10 లక్షలు డిమాండ్ చేసి.. మొదటి విడత కింద రూ. 2 లక్షలు తీసుకున్న నల్గొండ జిల్లా చిట్యాల తహసీల్దార్ కృష్ణను ఏసీబీ ఆఫీసర్లు రెడ్ హ్యాండెడ్గా పట్టుకున్న సంగతి తెలిసిందే.
ఏసీబీ నల్గొండ ఇన్‌‌‌‌‌‌‌‌‌‌‌‌‌‌‌‌చార్జి డీఎస్పీ బాలకృష్ణ తెలిపిన వివరాల ప్రకారం... చిట్యాల మండలం గుండ్రాంపల్లికి చెందిన ఓ రైతు 172, 167 సర్వే నంబర్లలో ఉన్న తన వ్యవసాయ భూమి మ్యుటేషన్‌ కోసం తహసీల్దార్ గుగులోతు కృష్ణను కలవడంతో అతడు రూ. 10 లక్షలు డిమాండ్ చేశాడు. అంత ఇవ్వలేనని రైతు చెప్పగా.. చివరకు రూ.5 లక్షలకు ఒప్పందం కుదిరింది. తర్వాత సదరు రైతు ఏసీబీ ఆఫీసర్లను కలిసి ఫిర్యాదు చేశాడు.
వారి సూచనతో గురువారం రూ. 2 లక్షలు తీసుకొని రైతు చిట్యాల తహసీల్దార్ ఆఫీస్‌‌‌‌‌‌‌‌‌‌‌‌‌‌‌‌కు వచ్చి కృష్ణను కలిశాడు. ఆఫీస్‌‌‌‌‌‌‌‌‌‌‌‌‌‌‌‌లోనే పనిచేసే ఓ ప్రైవేట్‌ వ్యక్తి రమేశ్‌‌‌‌‌‌‌‌‌‌‌‌‌‌‌‌కు డబ్బులు ఇవ్వాలని తహసీల్దార్ సూచించడంతో రైతు రమేశ్‌‌‌‌‌‌‌‌‌‌‌‌‌‌‌‌ను కలిసి డబ్బులు ఇచ్చాడు. అతడు ఆ డబ్బులను తీసుకెళ్లి తహసీల్దార్ కృష్ణకు ఇచ్చాడు. అప్పటికే అక్కడ ఉన్న ఏసీబీ ఆఫీసర్లు తహసీల్దార్‌‌‌‌‌‌‌‌‌‌‌‌‌‌‌‌తో పాటు ప్రైవేట్‌ వ్యక్తి అయిన రమేశ్‌‌‌‌‌‌‌‌‌‌‌‌‌‌‌‌ను రెడ్ హ్యాండెడ్గా పట్టుకున్నారు.
