ఆది సాయికుమార్, అర్చ నా అయ్యర్ జంటగా యుగంధర్ ముని దర్శకత్వంలో రాజశేఖర్ అన్న భీమోజు, మహిధర్ రెడ్డి నిర్మించిన చిత్రం ‘శంబాల’. డిసెంబర్ 25న సినిమా విడుదల కానుంది. తాజాగా ఈ మూవీ ట్రైలర్ను రిలీజ్ చేసిన హీరో నాని మాట్లాడుతూ ‘ట్రైలర్ చాలా ప్రామిసింగ్గా ఉంది. ఇలాంటి జానర్ చిత్రాల్నే ఆడియెన్స్ ఇప్పుడు కోరుకుంటున్నారు.
బ్యాక్గ్రౌండ్లో వచ్చే ఇంగ్లీష్ సాంగ్ స్టైలీష్గా ఉంది. ఆది మంచి నటుడు, మంచి డ్యాన్సర్. ఈ చిత్రంతో తనకు మంచి విజయం దక్కాలి’ అని టీమ్కు బెస్ట్ విషెస్ చెప్పాడు. ఇక ట్రైలర్ విషయానికొస్తే.. ఆకాశం నుంచి ఓ ఉల్క పడటంతో మొదలైంది. ‘పంచభూతాల్ని శాసిస్తుందంటే ఇది సాధారణమైనది కాదు’.. అనే డైలాగ్తో ఆ ఉల్క శక్తిని చూపించారు.
ఊర్లో అందరూ వింతగా ప్రవర్తిస్తుండటం, ఆ ఉల్కను కట్టడి చేసేందుకు పూజలు చేయడం, మఠాధిపీఠాల్ని తీసుకురావడం చూపించారు. ఈ మిస్టరీని ఛేదించేందుకు నాస్తికుడైన హీరో రంగంలోకి దిగి ఏం చేస్తాడనేది ఆసక్తిరేపేలా ట్రైలర్ కట్ చేశారు. శ్రీచరణ్ పాకాల అందించిన బ్యాక్గ్రౌండ్ స్కోరు ఆకట్టుకుంది.
