హైదరాబాద్: బాలీవుడ్ మూవీస్ కంటే తనకు తెలుగులో యాక్ట్ చేయడమే ఎక్కువ ఇష్టమని ప్రముఖ నటుడు సోనుసూద్ అన్నారు. 72వ మిస్ వరల్డ్ పోటీలు 2025, మే 7 నుంచి హైదరాబాద్ వేదికగా ప్రారంభం కాబోతున్న విషయం తెలిసిందే. ఈ నేపథ్యంలో హైదరాబాద్లో మిస్ వరల్డ్ పోటీల నిర్వహణ, ఏర్పాట్లపై రాష్ట్ర పర్యాటక శాఖ మంత్రి జూపల్లి కృష్ణారావు, మిస్ ఇండియా నందిని గుప్తా, సోనూ సోద్, మిస్ వరల్డ్ సీఈఓ జూలియా మోర్లీ మంగళవారం (మే 6) మీడియా సమావేశం నిర్వహించారు.
ఈ సందర్భంగా సోనుసూద్ మాట్లాడుతూ.. తాను యాక్ట్ చేసిన సూపర్ హిట్ మూవీ అరుంధతిలోని ఫేమస్ డైలాగ్ ‘వదలా బొమ్మాలి వదలా’తో స్పీచ్ స్టార్ట్ చేశాడు. ఈ ఒక్క డైలాగ్తో నన్ను తెలుగువాణ్ణి చేసుకున్నారని సంతోషం వ్యక్తం చేశారు. ప్రతిష్టాత్మక -మిస్ వరల్డ్ పోటీలు హైదరాబాద్లో జరుగుతుండటం సంతోషంగా ఉందన్నారు. మిస్ వరల్డ్ అంటే బ్యూటీ ఒక్కటే కాదని.. ఒక మంచి కాస్ కోసం జరుగుతున్న ఈవెంట్ ఇదని అన్నారు. బ్రెస్ట్ క్యాన్సర్పై అవేర్నెస్ కల్పించేందుకు కృషి చేస్తున్నామని.. అవసరం ఉన్నవాళ్లకు చేయూత కూడా అందిస్తామని పేర్కొన్నారు.
తెలంగాణ రాజధాని హైదరాబాద్ వేదికగా మరో నాలుగు రోజుల్లో మిస్ వరల్డ్-2025 అందాల పోటీలు మొదలు కాబోతున్నాయి. 2025, మే 7 నుంచి మే 31 వరకు మిస్ వరల్డ్ 2025 కాంపిటిషన్ జరగనుంది. దీంతో వివిధ దేశాల అందాల భామలు ఒక్కరొక్కరుగా హైదరాబాద్కు చేరుకుంటున్నారు. ఈ ఈవెంట్లో పాల్గొనే అందాల భామల రాకతో హైదరాబాద్లో ఇప్పటి నుంచే సందడి వాతావరణం నెలకొంది. మరోవైపు మిస్ వరల్డ్ 2025 పోటీలను తెలంగాణ ప్రభుత్వం అత్యంత ప్రతిష్టాత్మకంగా తీసుకుంది.
చాలా తక్కువ రాష్ట్రాలకు మాత్రమే లభించే ఈ అరుదైన మిస్ వరల్డ్ పోటీల నిర్వహణకు ఇప్పటికే అన్ని ఏర్పాట్లు పూర్తి చేసింది. తెలంగాణ సంస్కృతి, సాంప్రదాయాలు ఉట్టేపడేలా స్వాగత ఏర్పాట్లు చేసింది. "ఆల్‌ ఐస్‌ ఆఫ్‌ ది వరల్డ్ ఆర్‌ ఆన్‌ తెలంగాణ’ అనే నినాదంతో రాష్ట్ర ప్రభుత్వం నిర్వహిస్తోన్న ఈ పోటీల్లో 120 దేశాలకు చెందిన అందాల భామలు మిస్ వరల్డ్ 2025 కిరీట కోసం పోటీ పడనున్నారు. మిస్ వరల్డ్ పోటీలను గ్రాండ్ సక్సెస్ చేసి.. హైదరాబాద్ పేరు ప్రపంచ దేశాల్లో మోరుమోగేలా ప్రభుత్వం ప్లాన్ చేస్తోంది.
-
