- మినిస్టర్ పేషీ, కలెక్టర్ ఆఫీసుల్లో వాట్సప్ నంబర్లు
- ప్రజలు సద్వినియోగం చేసుకోవాల‌‌‌‌న్న మంత్రి
మంచిర్యాల, వెలుగు : ఉమ్మడి ఆదిలాబాద్ జిల్లా ఇన్చార్జి మినిస్టర్ జూపల్లి కృష్ణారావు ఆదేశాల‌‌‌‌తో ప్రభుత్వ సేవలపై ఫిర్యాదులకు ఇకపై ఎక్కడికీ తిరగాల్సిన అవసరం లేకుండా సరికొత్త సదుపాయం అందుబాటులోకి తీసుకొచ్చారు. వాట్సప్‌‌‌‌లో ప్రభుత్వ సేవలపై ఫిర్యాదు చేసేందుకు అవకాశం కల్పించాలని మంత్రి ఇటీవల కలెక్టర్లకు ఆదేశాలు చేశారు. ఈ నేప‌‌‌‌థ్యంలో ఉమ్మడి ఆదిలాబాద్ జిల్లాలోని నాలుగు కలెక్టరేట్లలో ప్రత్యేక గ్రీవెన్స్ సెల్ ఏర్పాటు చేశారు.
ప్రజలు తమ ఫిర్యాదులు, వినతుల కోసం కలెక్టరేట్‌‌‌‌కు రాకుండా ఇంటి వద్ద నుంచే అధికారుల దృష్టికి తీసుకెళ్లేలా వాట్సప్ సేవలను కలెక్టర్లు అందుబాటులోకి తెచ్చారు. హైద‌‌‌‌రాబాద్లోని మంత్రి జూపల్లి పేషీలోనూ ఈ సేవలను వినియోగించుకోవ‌‌‌‌చ్చు. ఫిర్యాదులను సంబంధిత శాఖలకు పంపించడంతో పాటు వాటి పరిష్కారంపై నిరంతరం పర్యవేక్షణ ఉండాలని మంత్రి సూచించారు. ప్రజలు ఫిర్యాదుతో పాటు సమస్యకు సంబంధించిన పూర్తి వివరాలు, సమస్య ఉన్న ప్రదేశం, చిరునామా, అవసరమైన ఆధారాలు, ఫొటోలు పంపించి ఈ సేవలను సద్వినియోగం చేసుకోవాలని సూచించారు.
వాట్సప్ నంబర్లు
మంత్రి జూపల్లి కృష్ణారావు పేషీ: 8500689596
ఆదిలాబాద్ కలెక్టరేట్‌: 9492341947
నిర్మల్‌ కలెక్టరేట్‌: 8317557897
కుమ్రంభీం ఆసిఫాబాద్‌ కలెక్టరేట్‌: 7569986036
మంచిర్యాల కలెక్టరేట్‌: 9492123642
