బెర్లిన్: యూఎస్ మిలటరీ విమానంలో అఫ్గానిస్తాన్ మహిళ పండంటి బిడ్డకు జన్మనిచ్చిందని అధికారులు తెలిపారు. అఫ్గాన్ను తాలిబాన్లు ఆక్రమించిన తర్వాత ఎంతో మంది రెఫ్యూజీలు దేశం విడిచి వెళ్లేందుకు ప్రయత్నిస్తున్నారు. ఈ క్రమంలో అఫ్గాన్కు చెందిన నిండు గర్భిణి యూఎస్ ఎయిర్ ఫోర్స్ సీ–17 విమానం ఎక్కింది. కాబూల్ నుంచి జర్మనీ వెళ్తుండగా ఆమెకు పురిటి నొప్పులు మొదలయ్యాయి. వాతావరణ ప్రభావంతో తీవ్ర ఇబ్బందులు ఎదురవడంతో పైలట్ విమానం ఎత్తును తగ్గించి బ్యాలెన్స్ చేశారు. జర్మనీలోని ర్యామ్స్టెయిన్ ఎయిర్ బేస్లో ఫ్లైట్ను ల్యాండ్ చేయగానే డాక్టర్లు వచ్చి ఆమెకు పురుడు పోశారు. ఈ విషయాన్ని మిలటరీ ఎయిర్ బేస్ కమాండ్ ట్విట్టర్లో తెలిపింది. తల్లీబిడ్డలను దగ్గరలోని ఆస్పత్రిలో చేర్పించామని, ఇద్దరూ సేఫ్ గా ఉన్నారని తెలిపింది.
