హైదరాబాద్ సిటీ, వెలుగు: సిటీలోని బస్తీలు, గల్లీల్లో ఇండ్లను తాకుతూ ప్రమాదకరంగా ఉన్న కరెంట్తీగల స్థానంలో ప్రత్యేక ఇన్సులేషన్ ఎయిర్ బంచ్డ్ కేబుల్స్ఏర్పాటు చేస్తున్నట్టు దక్షిణ తెలంగాణ విద్యుత్ పంపిణీ సంస్థ చైర్మన్, ఎండీ ముషారఫ్ ఫరూఖీ తెలిపారు. బుధవారం హెడ్డాఫీసులో మెట్రోజోన్ పరిధిలోని సుమారు 160 మంది సబ్- ఇంజినీర్, అసిస్టెంట్ ఇంజినీర్లతో సమీక్ష సమావేశం నిర్వహించారు. గత వారం బంజారాహిల్స్, సికింద్రాబాద్, హైదరాబాద్ సెంట్రల్, హైదరాబాద్ సౌత్ పరిధిలో పోల్ టు పోల్ తనిఖీలు నిర్వహించామని తెలిపారు. దాదాపు 550 కిలోమీటర్ల మేర ప్రమాదకరంగా ఉన్న తీగలను గుర్తించామని, ఈ నెలాఖరులోగా ఆ ప్రాంతాల్లో ఎయిర్బంచ్డ్కేబుల్స్అమర్చనున్నట్టు తెలిపారు.
