పంజాగుట్ట, వెలుగు: తెలుగు సినీ పరిశ్రమలో చిన్న సినిమాలన్నీ బతుకు జట్కా బండ్లేనని ఓ అందాల రాక్షసి చిత్ర హీరో షెరాజ్ మెహదీ అన్నారు. శుక్రవారం సోమాజీగూడ ప్రెస్ క్లబ్ లో ఆయన మీడియాతో మాట్లాడారు. సినిమాకు దర్శకత్వం వహిస్తూ హీరోగా నటించినప్పటికీ, చిత్ర పరిశ్రమలో సక్సెస్ అవ్వాలంటే ఎన్నో అవరోధాలు దాటాల్సిన దుస్థితి నెలకొందని ఆవేదన వ్యక్తం చేశారు.
ఓ అందాల రాక్షసి సినిమా విడుదలైనా నేటికీ థియేటర్లు లభించడం లేదని ఆరోపించారు. తన చిత్రానికి సెన్సార్ అనుమతి లభించినా కొందరు కావాలనే ఆటంకాలు సృష్టిస్తున్నారని అన్నారు. చిన్న సినిమాల మనుగడ కోసం సీఎం రేవంత్ రెడ్డి ప్రత్యేక చొరవ తీసుకోవాలని కోరారు.
