కలర్ ఫోటో(Color Photo), రైటర్ పద్మభూషణ్(Writer Padhmabhushan) వంటి హిట్ సినిమాల తరువాత నటుడు సుహాస్ నుండి వచ్చిన లేటెస్ట్ మూవీ అంబాజీపేట మ్యారేజి బ్యాండు(Ambajipeta Marriage Band). దర్శకుడు దుశ్యంత్ కటికినేని(Dishyanth Katikineni) తెరకెక్కించిన ఈ రురల్ బ్యాక్డ్రాప్ మూవీ ఫిబ్రవరి 2న ప్రేక్షకుల ముందుకు వచ్చింది. అవుట్ అండ్ అవుట్ ఎమోషనల్ ఎంటర్టైనర్ గా వచ్చిన ఈ సినిమాకు మొదటి షో నుండే పాజిటీవ్ టాక్ రావడంతో.. ఆడియన్స్ ఈ సినిమాను చూసేందుకు ఇంట్రెస్ట్ చూపిస్తున్నారు.
— Suhas ? (@ActorSuhas) February 3, 2024
దీంతో మొదటిరోజు సూపర్ కలెక్షన్స్ రాబట్టింది అంబాజీపేట మ్యారేజి బ్యాండు. ప్రపంచవ్యాప్తంగా తొలి రోజు ఈ సినిమా రూ.2.28 కోట్ల గ్రాస్ కలెక్షన్స్ రాబట్టింది. ఇదే విషయాన్ని అధికారికంగా ప్రకటించారు చిత్ర యూనిట్. చాలా తక్కువ బడ్జెట్‌లో తెరకెక్కిన ఈ సినిమా.. అంచనాలను మించి ఓపెనింగ్స్‌ను సాధించి ట్రేడ్ వర్గాలను ఆశ్చర్య పరిచింది. ఇక రెండో రోజు కూడా అదే జోరు కంటిన్యూ చేసిన ఈ సినిమా దాదాపు రూ.3 కోట్ల వరకు కలెక్షన్స్ రాబట్టి ఉంటుందని అంచనా. ఇక ఫిబ్రవరి 9 వరకు కొత్త సినిమాలు లేకపోవడంతో ఈ సినిమాకుక్ మరిన్ని కలెక్షన్స్ వచ్చే ఆవకాశం ఉంది. అలా సుహాస్ కెరీర్ లో మరో సూపర్ హిట్ పడింది.
