సంగారెడ్డి టౌన్, వెలుగు: జిల్లాలోని నిరుద్యోగ యువతీ యువకులకు ఉపాధి కల్పించడానికి ఈ నెల 23న సంగారెడ్డిలోని ప్రభుత్వ ఐటీఐ కాలేజీలో అప్రెంటిస్మేళా నిర్వహిస్తున్నట్లు ప్రిన్సిపాల్ గురువారం ఒక ప్రకటనలో తెలిపారు. ఐటీఐ ఫిట్టర్, డీజిల్ మెకానిక్, ఎలక్ట్రీషియన్, టర్నర్, వెల్డర్, మెకానిక్, మోటార్ వెహికల్, మిషినిస్ట్ కోర్సులు చేసినవారు అర్హులన్నారు.18 నుంచి 25 ఏళ్ల వయసున్నవారు ఆ రోజు ఉదయం 10 గంటలకు సర్టిఫికెట్లు, ఆధార్ కార్డు, రేషన్ కార్డు జిరాక్స్ , పాస్పోర్ట్ సైజ్ ఫొటోలతో హాజరుకావాలని సూచించారు.
పీఏసీఎస్ చైర్మన్ పదవికి రాజీనామా
సిద్దిపేట రూరల్, వెలుగు: సిద్దిపేట అర్బన్ మండలం మిట్టపల్లి పీఏసీఎస్చైర్మన్ పదవికి చింతల శ్రీనివాస్ గురువారం రాజీనామా చేశారు. ఆయన మాట్లాడుతూ పంచాయితీ ఎన్నికల్లో సర్పంచ్ గా పోటీ చేసి గెలిచినందున పీఏసీఎస్చైర్మన్ పదవికి రాజీనామా చేసినట్లు చెప్పారు. తన రాజీనామా పత్రాన్ని జిల్లా కో-ఆపరేటివ్ అధికారికి అందజేసినట్లు పేర్కొన్నారు.
