- కృష్ణా బోర్డుకు ఏపీ కంప్లైంట్
- రాయలసీమలో ప్రజా ఉద్యమాలకు తెర
- తెలంగాణను దోషిగా చూపే ప్రయత్నాలు చేస్తున్న ఏపీ
హైదరాబాద్, వెలుగు : శ్రీశైలంలో తెలంగాణ పవర్ జనరేషన్పై మళ్లీ లొల్లి షురూ అయింది. నిబంధనలకు విరుద్ధంగా తెలంగాణ కరెంటు ఉత్పత్తి చేస్తున్నదని ఏపీ గగ్గోలు పెడుతున్నది. దీనిపై కంప్లైంట్లతో సరిపెట్టకుండా రాయలసీమలో ప్రజా ఉద్యమాలు, ఆందోళనలకు తెరతీసింది. రెండేళ్లుగా తెలంగాణ కరెంటుఉత్పత్తిపై వరుస ఫిర్యాదులు చేస్తూ వస్తున్న ఏపీ.. ఇప్పుడు మళ్లీ అదే తరహాలో కృష్ణా బోర్డుకు కంప్లైంట్ చేసింది. శ్రీశైలం లెఫ్ట్ బ్యాంక్ పవర్ స్టేషన్(టీఎస్జెన్కో) లో కరెంట్ ఉత్పత్తి వెంటనే నిలిపి వేయించాలని ఏపీ ఇరిగేషన్ఈఎన్సీ నారాయణ రెడ్డి గురువారం కేఆర్ఎంబీ చైర్మన్శివ్నందన్కుమార్కు లేఖ రాశారు.
చెన్నై తాగునీటితో పాటు ఎస్సార్బీసీ, గాలేరు–నగరి, హంద్రీనీవా ప్రాజెక్టులకు నీళ్లు రాకుండా చేయాలని తెలంగాణ కరెంటుఉత్పత్తి చేస్తోందని ఆయన ఆరోపించారు. వెంటనే కరెంట్ఉత్పత్తిని నిలిపి వేయించాలని, ఈ మేరకు తెలంగాణకు ఆదేశాలు ఇవ్వాలని కోరారు. ఈ లేఖపై బోర్డు మెంబర్లు, ఉన్నతాధికారులతో చైర్మన్ సమీక్షించారు. ఆ లేఖపై తగిన చర్యలు చేపట్టాలని మెంబర్ అజయ్ కుమార్ గుప్తాకు సూచించారు. తెలంగాణ కరెంట్ఉత్పత్తిపై ఏసీ చేసిన కంప్లైంట్పై కృష్ణా బోర్డులోని రెండు రాష్ట్రాలకు చెందిన ఇంజినీర్లు వేర్వేరు నివేదికలు ఇచ్చినట్లు తెలిసింది. పోతిరెడ్డిపాడు ఆధారిత ప్రాజెక్టులకు నీళ్లిచ్చేలా కరెంట్ ఉత్పత్తి నిలిపివేయాలని ఏపీ ఇంజనీర్లు సూచిస్తే, దానికి భిన్నంగా తెలంగాణ ఇంజనీర్లు నివేదించినట్లు సమాచారం.
తెలంగాణపై ఏపీ అడ్డగోలు వాదన
2021 – 22, 2022 – 23 వాటర్ఇయర్లలో తెలంగాణ కరెంట్ఉత్పత్తిపై కృష్ణా బోర్డుకు పదుల సంఖ్యలో ఏపీ కంప్లైంట్లు చేసింది. తెలంగాణలోని ఎత్తిపోతల పథకాల కోసం హైడల్ పవర్ ఉత్పత్తి చేయాలని ఆదేశిస్తూ తెలంగాణ ప్రభుత్వం ఇచ్చిన జీఓను ఏపీ సుప్రీంకోర్టులో సవాలుచేసింది. ఈ పిటిషన్ పై ఇంకా విచారణ కొనసాగుతున్నది.తెలంగాణ జెన్కో కరెంట్ఉత్పత్తి చేస్తూ ఇప్పటి వరకు నాగార్జునసాగర్కు 4 టీఎంసీల నీటిని విడుదల చేసింది. సాగర్కు విడుదల చేసిన నీటిని తెలంగాణతో పాటు ఏపీ కూడా వినియోగించుకుంటుంది. ఈ వాస్తవాన్ని చెప్పకుండా తెలంగాణ కరెంట్ ఉత్పత్తి ద్వారా నీటిని వృథా చేస్తోందని ఏపీ అడ్డగోలుగా వాదిస్తోంది. ఈ మొత్తం ఎపిసోడ్లో తెలంగాణను దోషిగా చూపించే ప్రయత్నాలు చేస్తున్నారనే తప్ప అసలు నిజాలేంటో చెప్పడానికి మాత్రం ఇష్టపడటం లేదు.