హైదరాబాద్, వెలుగు: అపర్ణ ఎంటర్ప్రైజెస్ లిమిటెడ్ (ఏఈఎల్), హైదరాబాద్లోని మియాపూర్లో అపర్ణ యూనిస్పేస్ మెగా స్టోర్ను ప్రారంభించింది. ఇది ఇంటి డిజైనింగ్, నిర్మాణానికి సంబంధించిన వస్తువులను అమ్ముతుంది. ఫాసెట్స్ నుంచి మొదలుకొని ఫసాడ్స్ వరకు అన్నింటినీ ఒకే చోట అందిస్తుంది. ఇప్పటికే బెంగళూరు, విజయవాడలో అపర్ణకు యూనిస్పేస్ షోరూంలు ఉన్నాయి.
ఈ కొత్త యూనిస్పేస్లో 20కి పైగా రకాల ఉత్పత్తులు అందుబాటులో ఉన్నాయి. ఇది బీ2బీ, బీ2సీ కస్టమర్లకు సేవలు అందిస్తుంది. ఈ స్టోర్లో టైల్స్, శానిటరీవేర్, మాడ్యులర్ కిచెన్లు, వార్డ్రోబ్స్, కిటికీలు, తలుపులు, లైటింగ్, ఇతర నిర్మాణ సామగ్రి వంటివి అందుబాటులో ఉంటాయి. ఇక్కడ ఇంటరాక్టివ్ జోన్స్, టెక్-ఎనేబుల్డ్ డిస్ప్లేలు, ప్రొడక్ట్ డెమో ఏరియాలను కూడా ఏర్పాటు చేశారు.
భారతదేశంలో నిర్మాణ రంగం 2024లో 42.6 బిలియన్ల డాలర్ల నుంచి 2033 నాటికి 64 బిలియన్ల డాలర్లకు చేరుకుంటుందని అంచనా.
