గ్లోబల్ స్టార్ రామ్ చరణ్ నటించిన ‘పెద్ది’ విడుదల తేదీ దగ్గరపడింది. వచ్చే నెల జూన్ 4న ప్రపంచ వ్యాప్తంగా రిలీజ్ కానుంది. ఇప్పటికే ఈ మూవీ నుంచి రిలీజ్ చేసిన టీజర్, పాటలు రికార్డు సృష్టిస్తున్నాయి. ఇంతలోనే మేకర్స్ ప్రమోషన్స్ స్టార్ట్ చేసి పెద్దిపై మరింత హైప్ పెంచేస్తున్నారు. లేటెస్ట్గా ఈ రూరల్ స్పోర్ట్స్ డ్రామాకి ఆర్ట్ డైరెక్టర్గా పని చేసిన అవినాష్ కొల్లా సినిమాకు సంబంధించిన ఆసక్తికర విషయాలను పంచుకున్నారు.
25 నిమిషాల పాటు తేరుకోలేకపోయా..
“పెద్ది కథ విన్నాక 25 నిమిషాల పాటు తేరుకోలేకపోయా. 70-80 దశకాల నేపథ్యంలో, విజయనగరం గ్రామీణ వాతావరణంలో కథ సాగుతుంది. ఈ ప్రపంచాన్ని కళ్ళకి కట్టినట్లుగా చూపించేందుకు మేము ఏడాది పాటు ప్రీ-ప్రొడక్షన్లో పని చేశాం. 80ల నాటి విజయనగరం కోసం ఏకంగా 24 భారీ సెట్లు నిర్మించాం అని చెప్పేదానికంటే వాటికి ప్రాణం పోశామని” అన్నారు.
ఆ కాలం నాటి ఇళ్లు, వీధులు, వాతావరణం ప్రతిబింబించేలా ఈ సెట్లను అత్యంత ప్రతిష్టాత్మకంగా తీర్చిదిద్దామని చెప్పారు. విజయనగరం మట్టి వాసన, అక్కడి యాస, ఆ కాలం నాటి సామాజిక పరిస్థితుల నేపథ్యంలో సాగే ఈ కథ ప్రేక్షకులకు సరికొత్త అనుభూతిని ఇస్తుందనడంలో సందేహం లేదని అవినాష్ వెల్లడించారు.
ఇక దర్శకుడు బుచ్చి బాబు మేకింగ్ అద్భుతంగా ఉందని, రామ్ చరణ్ నటన ప్రేక్షకులకు గూస్బంప్స్ తెప్పిస్తుందని అవినాష్ కొల్లా అన్నారు. ఈ చిత్రంలో పనిచేసే అవకాశం దక్కడం తనకు అదృష్టంగా భావిస్తున్నట్లు” అవినాష్ కొల్లా చెప్పారు.
#PEDDI is set in the 70s–80s era, rooted in the rustic landscapes of Vizianagaram’s villages. We spent a year in pre-production, building the world from the ground up - with 24 massive sets brought to life for the film.
— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) May 6, 2026
- Production designer @artkolla with print and web media. pic.twitter.com/RFboD75xj6
పెద్ది స్పోర్ట్స్ కార్..
పెద్ది సినిమాకు సంబంధించిన ప్రమోషన్స్ కొత్త స్థాయికి చేరుకున్నాయి. ‘పెద్ది’ పోస్టర్తో పాటు రామ్ చరణ్ స్టైలిష్ స్టిల్స్తో డిజైన్ చేసిన ప్రత్యేక స్పోర్ట్స్ కార్ వీడియో సోషల్ మీడియాలో వైరల్ అవుతోంది. ఈ కార్కు మ్యాచ్ అయ్యేలా ప్రత్యేక కీచైన్ను కూడా రూపొందించడం అభిమానులను ఆకట్టుకుంటోంది. వీడియోలో రామ్ చరణ్ సోదరి, నిర్మాత సుష్మిత కారును పరిశీలించి, టీమ్ ప్రయత్నాలను అభినందించారు.
►ALSO READ | Kangana Ranaut: 26/11 ముంబై దాడుల నేపథ్యంలో కంగనా కొత్త సినిమా.. 'భారత్ భాగ్య విధాత' ఫస్ట్ లుక్ రిలీజ్!
Here's The Special video
— PEDDI❤️🔥 (@Pavanlucky988) May 6, 2026
Our Mega producer❤️🔥
Our @sushkonidela mam❤️#OneSeaMedia Doing Excellent Work & promoting the movie in different style🙏
29 Days More for #Peddi 🔥
Mega power Star @AlwaysRamCharan @BuchiBabuSana #RamCharan || #SushmithaKonidela #PeddiOnJune4 https://t.co/aB9amHuNyi pic.twitter.com/n2FPhayW0U
శృతి హాసన్తో ఐటెం సాంగ్..
ఇటీవలే శృతి హాసన్తో హైదరాబాద్లో ఒక భారీ ఐటమ్ సాంగ్ను చిత్రీకరించారు. 'ఎవడు' సినిమా తర్వాత చరణ్, శృతి మళ్లీ కలిసి నటిస్తుండటంతో అభిమానుల్లో జోష్ పెరిగింది. ఈ సాంగ్ను టాలీవుడ్ సెన్సేషనల్ కొరియోగ్రాఫర్ జానీ మాస్టర్ కంపోజ్ చేయగా, ఆస్కార్ విజేత ఏఆర్ రెహమాన్ అదిరిపోయే మాస్ బీట్ అందించినట్లు తెలుస్తోంది. అయితే, ఈ ఒక్క పాట కోసం శృతి హాసన్ దాదాపు రూ. 3 కోట్లు వసూలు చేస్తున్నట్లు గుసగుసలు వినిపిస్తున్నాయి. ఇదే నిజమైతే, ఒక ఐటమ్ సాంగ్ కోసం ఇంత భారీ మొత్తం అందుకోవడం టాలీవుడ్లో సరికొత్త రికార్డుగా మారుతుంది.
