హారర్ జానర్లో సంచలనం సృష్టించిన ‘పొలిమేర’ ఫ్రాంచైజీ, మరో భారీ అప్డేట్తో ప్రేక్షకుల ముందుకొచ్చింది. ఇప్పటికే ‘పొలిమేర 3’ చిత్రాన్ని ప్రకటించిన మేకర్స్, తాజాగా మరో క్రేజీ అప్డేట్ అందించారు. స్టార్ హీరో యాక్షన్ కింగ్ అర్జున్ ఈ ఫ్రాంచైజీలో భాగమవుతున్నట్లు అధికారికంగా ప్రకటించారు.
ఈ సందర్భంగా రిలీజ్ చేసిన స్పెషల్ గ్లింప్స్ సినిమాపై అంచనాలను మరింత పెంచేసింది. ‘పొలిమేర 3’లో మరింత భయానకమైన కథ, కొత్త మలుపులు ఉండబోతున్నాయని చిత్ర యూనిట్ హింట్ ఇచ్చింది. ఈ అనౌన్స్తో పాటు మేకర్స్ ట్వీట్ చేస్తూ.. ‘‘యాక్షన్ మీట్స్ పవర్ కంటెంట్– ఇక సెన్సేషన్ మొదలు. ఇటీవలే ‘బ్లాస్ట్ జోన్'తో ప్రేక్షకులను అలరించిన యాక్షన్ కింగ్ అర్జున్ ఇప్పుడు ‘పొలిమేర 3’లో చేరి ఈ ఫ్రాంచైజీ ఇంపాక్ట్ను మరింత పెంచబోతున్నారు’’ అని మేకర్స్ పేర్కొన్నారు.
ACTION meets POWER & CONTENT - It's a Sensation ❤️🔥❤️🔥
— Vamsi Nandipati (@connect2vamsi) July 27, 2026
After ruling the screens with #BlastZone, Action King @akarjunofficial garu steps into #Polimera3 to triple the impact 💥💥
A @DrAnilViswanath Film
Produced by @connect2vamsi,@SVCLLP@Satyamrajesh2 #DrKamakshiBhaskarla… pic.twitter.com/Y16chpe3yy
అసలు ఎటువంటి అంచనాలు లేకుండా చిన్న స్థాయిలో మొదలైన పొలిమేర.. ఇప్పుడు భారీ హారర్ & థ్రిల్లర్ ఫ్రాంచైజీగా మారింది. ఇక ఇలాంటి హార్రర్ థ్రిల్లర్ ప్రపంచంలోకి ఏకంగా టాప్ హీరో అర్జున్ ను రంగంలోకి దించడంతో, పార్ట్ 3లో కంటెంట్ ఏ స్థాయిలో ఉండబోతుందో అనే ఆసక్తి నెలకొంది.
అనిల్ విశ్వనాథ్ దర్శకత్వంలో తెరకెక్కుతున్న ఈ చిత్రాన్ని భోగేంద్ర గుప్తాతో కలిసి వంశీ నందిపాటి నిర్మిస్తున్నారు. ఇందులో సత్యం రాజేష్, బాలాదిత్య, కామాక్షి భాస్కర్ల, గెటప్ శ్రీను, రవి వర్మ, రాకేందు మౌళి, చిత్రం శ్రీను, సాహిత్య దాసరి ప్రధాన పాత్రల్లో నటించనున్నారు.
