ఆషాఢ బోనాల ఉత్సవాలు సందడిగా కొనసాగుతున్నాయి. గోల్కొండ కోటలోని శ్రీజగదాంబిక మహంకాళి అమ్మవారికి ఆలయ కమిటీ చైర్మన్ ఆరేళ్ల జగదీశ్ యాదవ్ ఆధ్వర్యంలో ఆదివారం రెండో పూజ ఘనంగా నిర్వహించారు. ఈ సందర్భంగా తరలివచ్చిన భక్తులతో కోట కిక్కిరింది. డప్పు చప్పుళ్లు, పోతరాజుల నృత్యాల నడుమ మహిళలు పెద్ద ఎత్తున బోనాలతో వచ్చి అమ్మవారికి సమర్పించారు.
లంగర్ హౌస్, మెహిదీపట్నం, కార్వాన్, మంగళహాట్, పురాణాపూల్, దూల్పేట, మల్లేపల్లి, సీతారాంబాగ్, షేక్పేట ప్రాంతాల నుంచి తొట్టెలను ఊరేగిస్తూ తీసుకొచ్చారు. చంటి పిల్లలతో వచ్చిన మహిళలు ఒకింత ఇబ్బంది పడ్డారు. అమ్మవారి దర్శనం కోసం భక్తులు క్యూలైన్లలో బారులు తీరారు.
