పాపన్నపేట, వెలుగు: ఏడుపాయలలో కాటేజీల నిర్మాణానికి తనవంతు సహకారం అందిస్తానని కవిత హామీ ఇచ్చారు. శరన్నవరాత్రి ఉత్సవాలలో భాగంగా మెదక్జిల్లా ఏడుపాయలలో శనివారం నిర్వహించిన బోనాల వేడుకలో తెలంగాణ జాగృతి అధ్యక్షురాలు, ఎమ్మెల్సీ కవిత పాల్గొన్నారు. రాష్ట్ర మహిళా కమిషన్ చైర్ పర్సన్సునీతా లక్ష్మారెడ్డి, మెదక్ ఎమ్మెల్యే పద్మాదేవేందర్ రెడ్డితో కలిసి ఏడుపాయలకు వచ్చిన కవిత గోకుల్ షెడ్ లో కాత్యాయని దేవి రూపంలో కొలువుదీరిన దుర్గామాతను దర్శించుకున్నారు. కాటేజీల నిర్మాణానికి సహకరించాలని ఎమ్మెల్యే పద్మాదేవేందర్ రెడ్డి కోరడంతో అందుకు అంగీకరించారు. కార్యక్రమంలో ఏడుపాయల దేవాలయ కమిటీ చైర్మన్ సాతెల్లి బాలగౌడ్, ఈఓ సారా శ్రీనివాస్, జడ్పీ వైస్ చైర్పర్సన్లావణ్య, జిల్లా రైతు సమితి అధ్యక్షుడు సోములు, పాపన్నపేట వైస్ ఎంపీపీ విష్ణువర్ధన్ రెడ్డి, పాపన్నపేట మార్కెట్ కమిటీ చైర్మన్ వెంకట్ రెడ్డి తదితరులు పాల్గొన్నారు.
