సిడ్నీ: మెదడులోని ఆలోచనలకు అక్షరరూపమిచ్చే వినూత్న టెక్నాలజీని ఆస్ట్రేలియా పరిశోధకులు అభివృద్ధి చేస్తున్నారు. బ్రెయిన్ వేవ్స్ను పదాల్లోకి తర్జుమా చేసేలా కృత్రిమ మేధ(ఏఐ)ను డెవలప్ చేస్తున్నారు. ప్రస్తుతం మెదడు ఆరోగ్యాన్ని తెలుసుకునేందుకు వైద్యులు ఉపయోగిస్తున్న ఎలక్ట్రోఎన్ సెఫలోగ్రామ్(ఈఈజీ)ని ఉపయోగించి ఆలోచనలను అక్షరాల్లోకి మార్చేలా ఏఐని తీర్చిదిద్దుతున్నారు. ప్రస్తుతం ఈ ఏఐ టెక్నాలజీ బ్రెయిన్ వేవ్స్ను డీ కోడ్ చేసి చిన్న చిన్న పదాలను రాస్తోందని సిడ్నీ యూనివర్సిటీ పరిశోధకులు తెలిపారు.
ఈమేరకు ఛార్లెస్ ఝౌ అనే పీహెచ్డీ విద్యార్థి, పరిశోధనలో అతడికి గైడ్గా వ్యవహరిస్తున్న చిన్ టెంగ్ లిన్, డాక్టర్ లియాంగ్ఈ పరిశోధనలో పాలుపంచుకుంటున్నారు. ఈఈజీ ద్వారా గ్రహించిన బ్రెయిన్ వేవ్స్ను డీ కోడ్ చేసి పదాల్లోకి మార్చేలా ఏఐ టెక్నాలజీని తీర్చిదిద్దుతున్నారు. డాక్టర్ లియాంగ్ దీనిని ప్రయోగాత్మకంగా పరిశీలించగా.. ఆయన మెదడులోని ఆలోచనలను గ్రహించిన ఏఐ వాటిని ఇలా అక్షరాల్లోకి మార్చి ఇలా ‘‘అయామ్ జంపింగ్హ్యాపిలీ, ఇట్స్ జస్ట్ మీ” అని చూపించింది. కాగా, ప్రస్తుతానికి ఈ టెక్నాలజీతో చిన్న చిన్న పదాలను మాత్రమే డీ కోడ్ చేసే వీలుకలుగుతోందని పరిశోధకులు తెలిపారు. ఎలాన్ మస్క్ కంపెనీ న్యూరాలింక్ కంపెనీ సైంటిస్టులు కూడా ఇదే తరహా ప్రాజెక్టు రూపకల్పన కోసం శ్రమిస్తున్నారు.
