బెంగళూరులో 5 గంటల పాటు ఆటో నడిపిన డ్రైవర్ తన అనుభవాన్ని పంచుకుంటూ.. ఏడుస్తున్న వీడియో సోషల్ మీడియాలో వైరల్గా మారింది. ఆ వీడియోలోని వివరాల ప్రకారం.. కొంత కాలంగా తనకు డ్రైవింగ్ చేస్తే తక్కువ డబ్బులు వస్తున్నాయని డ్రైవర్ ఏడుస్తుండటం వీడియోలో కనిపిస్తుంటుంది. అయిదు గంటల పాటు ఆటో నడిపానని దానికి కేవలం రూ.40 మాత్రమే వచ్చాయని కనీసం డీజిల్ ఖర్చులు రాలేదని బాధితుడు వాపోయాడు.
మిశ్రమ స్పందనలు..
అయితే ఆటో డ్రైవర్ బాధపడుతుండటంపై నెటిజన్లు విభిన్నంగా స్పందిస్తున్నారు. ఆటో వాళ్లు ఇష్టానుసారంగా డబ్బులు వసూలు చేస్తారని, మీటర్ రీడింగ్ కాకుండా అదనంగా తీసుకుంటూ ప్రజల దగ్గర దోచుకుంటారని కొందరు కామెంట్ చేయగా.. కేవలం రెండు కిలో మీటర్ల దూరంలో దింపడానికి తన దగ్గర రూ.150 అడిగారని మరో నెటిజన్ ఆరోపించాడు. ఫ్రీ బస్సు శక్తి పథకం మంచిదేని మరొకరు అన్నారు. మరొకరు ఆయనకు సానుభూతి తెలిపారు.
