పద్మారావునగర్, వెలుగు: నిరుద్యోగుల డిమాండ్లను పరిష్కరించాలని కోరుతూ గాంధీ ఆసుపత్రిలో నిరాహార దీక్ష చేస్తున్న ఉస్మానియూ యూనివర్శిటీ నిరుద్యోగ జేఏసీ నేత మోతీలాల్నాయక్ను శిరీష అలియాస్ బర్రెలక్క బుధవారం పరామర్శించారు. దీక్షకు సంఘీభావం తెలిపారు. ఎన్నికలకు ముందు కాంగ్రెస్ నాయకులు ఇచ్చిన హామీలను అమలుచేయాలని కోరారు.
మోతీలాల్ నాయక్కు ఏదైనా హాని జరిగితే ప్రభుత్వమే బాధ్యత వహించాలన్నారు. మోతీలాల్ నాయక్మాట్లాడుతూ.. తాను ఓయూలో ఆమరణ దీక్ష చేస్తుండగా పోలీసులు తీసుకొచ్చి, గాంధీ ఆసుపత్రిలో అడ్మిట్ చేశారన్నారు. మూడు రోజులుగా ఎలాంటి ఆహారం తీసుకోలేదని, డాక్టర్లు ట్రీట్మెంట్ లో భాగంగా సెలైన్లు పెడుతున్నారని చెప్పారు. హాస్పిటల్లోనూ దీక్ష కొనసాగిస్తున్నానన్నారు. అలాగే బుధవారం సాయంత్రం మోతిలాల్ నాయక్ ను బీఆర్ఎస్నేత రాకేశ్రెడ్డి పరామర్శించారు. కాంగ్రెస్ ప్రభుత్వం నిరుద్యోగులకు ఇచ్చిన హామీలను నిలబెట్టుకోవాలని డిమాండ్ చేశారు.
