రేపే బీటింగ్ రిట్రీట్ సెర్మనీ

మొదలైన రిహార్సల్స్
హాజరు కానున్న రాష్ట్రపతి, ప్రధాని, ఇతర ప్రముఖులు

ఈ నెల 26న మొదలైన రిపబ్లిక్ డే సంబరాలు రేపు ముగియనున్నాయి. దేశ రాజధాని ఢిల్లీలో ఏటా జనవరి 29న ఈ ముగింపు ఉత్సవాలను బీటింగ్ రిట్రీట్ సెర్మనీ పేరుతో నిర్వహిస్తారు. ఇండియన్ ఆర్మీ ఆధ్వర్యంలో నిర్వహించే ఈ వేడుకల రిహార్సల్స్ కొనసాగుతున్నాయి. దీనిలో భాగంగా ప్రతీ ఏడాది బ్యాండ్ టీంల ప్రదర్శన ఉంటుంది. కానీ ఈ సారి బ్యాండ్ టీంల ప్రదర్శనతో పాటు డ్రోన్ల ప్రదర్శన స్పెషల్ ఎట్రాక్షన్⁬గా నిలవనుంది. వందలాది డ్రోన్లతో ఆకాశంలో దేశ మ్యాప్, మేకిన్ ఇండియా లోగోతో పాటు పలు రూపాలను ప్రదర్శించనున్నారు. దీనికి సంబంధించిన రిహార్సల్స్ స్పెషల్ ఎట్రాక్షన్⁬గా నిలుస్తున్నాయి. దేశాధ్యక్షుడు రామ్⁬నాథ్ కోవింద్⁬, ప్రధాని నరేంద్ర మోడీతో పాటు కేంద్ర మంత్రులు, ప్రముఖులు, అధికారులు, పెద్ద సంఖ్యలో జనం ఈ కార్యక్రమాన్ని తిలకించనున్నారు. 1950లో మేజర్ రాబర్ట్స్ బీటింగ్ రిట్రీట్ సెర్మనీకి రూపకల్పన చేసిన విషయం తెలిసిందే.

ఇవి కూడా చదవండి