మహబూబ్ నగర్ రూరల్, వెలుగు: కర్నాటక రాష్ట్రం దేవసుగురు ఆలయంలో స్వామి దర్శనం చేసుకుని తిరుగు ప్రయాణమైన వ్యక్తి గుండెపోటుతో చనిపోయాడు. రూరల్ ఎస్సై అబ్దుల్ వహీద్ తెలిపిన వివరాల ప్రకారం.. భద్రాద్రి కొత్తగూడెం జిల్లా టేకులపల్లి మండలకేంద్రానికి చెందిన హరి (35) కర్నాటక రాష్ట్రం దేవసుగురు ఆలయంలో దర్శనం చేసుకున్న అనంతరం రాయచూరు నుంచి హైదరాబాద్కు ఆర్టీసీ బస్సులో బయలుదేరాడు. మండలంలోని కోడూరు సమీపంలో సీట్లో నుంచి కింద పడిపోగా డ్రైవర్ వెంటనే పోలీసులకు, 108కు సమాచారం ఇచ్చాడు. సదరు వ్యక్తిని పరీక్షించిన 108 సిబ్బంది అప్పటికే చనిపోయినట్లు తెలిపారు. అనంతరం డెడ్బాడీని ప్రభుత్వ హాస్పిటల్ కు తరలించారు. మృతుడి తండ్రి హరి సాయిరాంకు పోలీసులు సమాచారం అందించారు.
