పి.ఎస్.జె ఫిలిమ్స్ బ్యానర్పై ప్రదీప్ కుమార్, శ్రీనివాస్ గుండబోయిన నిర్మిస్తున్న చిత్రం ‘ఆలోచన’. సురేందర్ చాచా దర్శకత్వం వహించిన ఈ చిత్రంలో జి.వి. నారాయణరావు, ప్రసాద్ బాబు, నరసింహరాజు, రాజన్ హరి, మహర్షి రాఘవ, జయలలిత, బెన్నీ సుధాకర్ ప్రధాన పాత్రల్లో నటిస్తున్నారు. తాజాగా ఈ చిత్రం నుంచి ‘భజగోవిందం’ అంటూ సాగే పాటను శ్రీ శ్రీ శ్రీ చిన్న జీయర్ స్వామి విడుదల చేసి మూవీ టీమ్కు బెస్ట్ విషెస్ అందించారు.
వృద్ధాప్యంలో స్నేహం విలువ, జీవిత సారాన్ని ప్రతిబింబించే ఈ పాటను ఆది శంకరాచార్యులు రచించిన ‘మోహముద్గర’ (భజగోవిందం)లోని తత్వాన్ని ఆధారంగా తీసుకుని తెలుగులో రూపొందించారు. ప్రతాప్ రాజులపల్లి తెలుగు అనువాదం అందించగా, వియాన్ సంగీతం సమకూర్చారు. మంగ్లీ, వియాన్ ఈ పాటను ఆలపించారు. త్వరలోనే ఈ చిత్రం ప్రేక్షకుల ముందుకు రానుంది.
