హైదరాబాద్,వెలుగు: ఫోన్ ట్యాపింగ్ పోలీసులు సొంతంగా చేసింది కాదని, దీని వెనక పెద్దళ్లోనున్నారని సీపీఐ రాష్ట్ర కార్యదర్శి కూనంనేని సాంబశివరావు ఆరోపించారు. బీఆర్ఎస్ సర్కార్ హయాంలో జరిగిన ఈ వ్యవహారంపై సమగ్ర విచారణ చేయించాలని ఆయన డిమాండ్ చేశారు. విచారణలో వెలుగు చూస్తున్న విషయాలు దిగ్భ్రాంతికి గురిచేస్తున్నాయని ఒక ప్రకటనలో తెలిపారు.
రాష్ట్రంలోని ప్రముఖుల ఫోన్లను రికార్డు చేశారనే వార్తలు ఆందోళన కలిగిస్తున్నాయని చెప్పారు. ట్యాపింగ్తో ప్రత్యర్థి పార్టీలు ఏ నిరసన కార్యక్రమానికి పిలుపునిచ్చినా లీడర్లను రాత్రికి రాత్రే అరెస్టు చేసేవారని గుర్తు చేశారు. ట్యాపింగ్ వ్యవహారంపై లోతుగా దర్యాప్తు చేయించాలని డిమాండ్ చేశారు.
