బిగ్​ సి బ్రాండ్​ అంబాసిడర్​గా మహేశ్‌ బాబు

V6 Velugu Posted on Sep 26, 2021

హైదరాబాద్​, వెలుగు: మొబైల్​ఫోన్ల రిటెయిల్​ చెయిన్​ నిర్వహిస్తున్న బిగ్​ సి బ్రాండ్​ అంబాసిడర్​గా మహేశ్ ​బాబుతో రెండేళ్ల ఒప్పందం కుదుర్చుకుంది. తమ 19 ఏళ్ల జర్నీలో మొదటిసారిగా ఒక సూపర్​స్టార్​ను బ్రాండ్​ అంబాసిడర్​గా పెట్టుకున్నట్లు బిగ్​ సి ఎండీ​ బాలు చౌదరి వెల్లడించారు. ఇప్పటిదాకా తెలంగాణ, ఆంధ్ర ప్రదేశ్​, తమిళనాడు రాష్ట్రాలలోనే 250 రిటెయిల్​ స్టోర్లను ఏర్పాటు చేశామని, రాబోయే రెండేళ్లలో ఇతర రాష్ట్రాలకూ విస్తరిస్తామని, స్టోర్ల సంఖ్యను 500లకు చేర్చుతామన్నారు. ఒక్కో స్టోర్​ ఏర్పాటుకు రూ.  50 లక్షలు ఖర్చవుతుందని, బిగ్​ సిలో ప్రస్తుతం 2 వేల మంది ఉద్యోగులున్నారని చెప్పారు. 2021–22 ఫైనాన్షియల్​ ఇయర్లో రూ. 1000–1100 కోట్ల టర్నోవర్​ లక్ష్యంగా దూసుకెళ్తున్నామని, 2023–24 నాటికి ఉద్యోగుల సంఖ్యను 4 వేలకు పెంచాలని, అలాగే రూ. 2000 కోట్ల టర్నోవర్​ అందుకోవాలని ప్రయత్నిస్తున్నట్లు పేర్కొన్నారు. స్మార్ట్​ టీవీల విక్రయంలోకి ఇప్పటికే అడుగుపెట్టామని, త్వరలో లాప్​టాప్​లు, స్మార్ట్​ వాచ్​లనూ అమ్ముతామని చెప్పారు. 5 జీ టెక్నాలజీ అందుబాటులోకి వస్తే ఐఓటీ  డివైజ్​ల సేల్స్​ ఊపందుకుంటాయని, ఆ దిశలో చొరవ తీసుకుంటున్నామని బాలు చౌదరి అన్నారు. కస్టమర్లు ఏడాదిలోపే  కొత్త ఫోన్​వైపు చూస్తున్నారని, దీంతో తమ ఏవరేజ్​ సెల్లింగ్​ రేటు గతంలోని రూ. 12 వేల నుంచి ఇప్పుడు రూ. 16 వేలకు పెరిగిందని చెప్పారు. 

Tagged Brand Ambassador, MOBILES, Mahesh babu, big c

Latest Videos

Subscribe Now

More News