'బిగ్‌బాస్ తెలుగు సీజన్ 10' ప్రేక్షకులకు అదిరిపోయే ట్విస్టులు ఇస్తోంది. రోజురోజుకీ మారుతున్న సమీకరణాలు, కంటెస్టెంట్ల మధ్య పోటీ, నామినేషన్ల రచ్చతో హౌస్‌లో హీట్ పెరిగిపోతోంది. ఇప్పటికే దక్షి, షాలిని ఎలిమినేట్ కావడంతో మిగిలిన కంటెస్టెంట్లలో టెన్షన్ మొదలైంది. ఈ నేపథ్యంలో ఎనిమిదో వారం ఎలిమినేషన్‌పై సోషల్ మీడియాలో ఆసక్తికరమైన చర్చ నడుస్తోంది. ఈ వీకెండ్‌లో బిగ్‌బాస్ మరో బిగ్ షాక్ ఇవ్వబోతున్నారా? ఒకేసారి ఇద్దరిని ఇంటికి పంపించనున్నారా? అన్న ప్రశ్నలు ప్రేక్షకుల్లో ఆసక్తిని పెంచుతున్నాయి.
ఈ వారం నామినేషన్లలో రోహిత్, వంశీ, రామ్ ప్రసాద్, ఝాన్సీ, శివ, రామకృష్ణ, యాంకర్ వర్షిణి, సుధీర్ ఉన్నారు. మొత్తం ఎనిమిది మంది ఎలిమినేషన్ ముప్పును ఎదుర్కొంటుండటంతో హౌస్‌లో ఉత్కంఠ నెలకొంది. ప్రతి కంటెస్టెంట్ తన ఆటతో ప్రేక్షకులను ఆకట్టుకునేందుకు ప్రయత్నిస్తున్నాడు. టాస్కుల్లో ప్రతిభ చూపించడం, గొడవలకు దూరంగా ఉండటం, అవసరమైనప్పుడు గట్టిగా నిలబడటం వంటి అంశాలు ఈ వారం ఓటింగ్‌పై ప్రభావం చూపే అవకాశం ఉంది.
మరోవైపు, సోషల్ మీడియాలో ప్రచారంలో ఉన్న ఓటింగ్ ట్రెండ్స్ ప్రకారం యాంకర్ వర్షిణి, సుధీర్ డేంజర్ జోన్‌లో ఉన్నట్లు చర్చ జరుగుతోంది. అయితే ఇవి అనధికారిక ట్రెండ్స్ మాత్రమే. అసలు ఓటింగ్ ఫలితాలు ఎలా ఉన్నాయో, ఎవరు సేఫ్ అవుతారో అధికారికంగా తెలియాల్సి ఉంది.
అంతేఈ వీకెండ్ డబుల్ ఎలిమినేషన్ ఉండబోతోందంటూ సోషల్ మీడియాలో వార్తలు వైరల్ అవుతున్నాయి. అదే నిజమైతే వర్షిణి, సుధీర్‌లలో ఎవరో ఒకరు లేదా ఇద్దరూ హౌస్‌ను వీడే పరిస్థితి రావచ్చని అభిమానులు అంచనా వేస్తున్నారు. చివరికి డబుల్ ఎలిమినేషన్‌పై బిగ్‌బాస్ ఎలాంటి నిర్ణయం తీసుకోబోతున్నారన్న అన్న దానిపై ఉత్కంఠ నెలకొంది.
గత వీకెండ్‌లో నాగార్జున దక్షి, షాలినిలను ఎలిమినేట్ చేయడంతో ఈసారి ఏం జరగబోతోందన్న ఆసక్తి మరింత పెరిగింది. మరి ఈ వారం ఎవరు సేఫ్ అవుతారు? ఎవరి ప్రయాణం ముగుస్తుంది? డబుల్ ఎలిమినేషన్ నిజమవుతుందా? సమాధానాల కోసం వీకెండ్ ఎపిసోడ్ వరకు వేచి చూడాల్సిందే.
